Noticias

A concelleira de Familia, Benestar Social, Muller e Emprego, deu conta do inicio de tres novas accións formativas, nas que se impartirán máis de 1.800 horas lectivas ata o mes de decembro. Trátase dos cursos denominados Montaxe e mantemento de instalacións solares e térmicas, Operacións de fontanería e calefacción-climatización e Xestión contable e xestión administrativa para auditoría.

A concelleira de Parques e Xardíns, María Castelao, achegouse ao barrio de Pontepedriña para comprobar in situ o estado do parque e do seu arborado, logo de que o pasado mércores o temporal que afectou á cidade provocase a caída dunha árbore cara a vía pública, sen que houbese que lamentar danos físicos ou materiais. O estudo, que será feito nun prazo de 10 días, permitirá coñecer polo miúdo o estado do arborado circundante á praza de León, e eliminar calquera risco...

Como cada 16 de agosto, a cidade renovou o seu voto a San Roque nun acto ao que asistiu boa parte do Goberno municipal e que estivo presidido polo alcalde compostelán, Angel Currás.

A alcaldesa en funcións e concelleira de Turismo, Reyes Leis, e a secretaria xeral para o Turismo, Carmen Pardo, percorreron un treito do Camiño de Santiago (Camiño Francés) comprendido entre o Lugar do Pontillón, á marxe do río Lavacolla, ata San Marcos, co fin de comprobar de primeira man o estado das obras de rehabilitación levadas a cabo nesa área por parte da Sociedade Anónima de Xestión do Plan Xacobeo dentro do termo municipal de Santiago de Compostela.

A alcaldesa en funcións, Reyes Leis, recibiu os participantes no Curso Universitario Internacional de Música Española, no marco do tradicional programa Música en Compostela. Esta edición número 55 rematará o sábado 18 de agosto.

A concelleira de Economía, Reyes Leis, presentou a web www.cersiaempresa.org, web da Concellaría de Economía, Comercio, Turismo e Mercados que será a principal plataforma de intermediación e información para a cidadanía en materia de economía, comercio e mercados.A concelleira estivo acompañada da técnica responsable do servizo de Economía do Concello, Carme Casado. A nova web estará activa a partir do mércores 15.

A alcaldesa en funcións, Reyes Leis, e o concelleiro de Relacións Institucionais, Francisco Noya, recibiron en Raxoi os integrantes das distintas organizacións federadas de ASDE-Scouts de España que participan no Campamento Federal de Rovers, que nesta ocasión tiña como destino Santiago.

A concelleira de Economía, Reyes Leis, presentou o Curso de Planificación Estratéxica: Perseguindo unha meta. Da estratexia medieval ao éxito empresarial, que ten por obxectivo preparar aos asistentes en planificación estratéxica empresarial, axudándolles a porse obxectivos e metas así como a acadalos de xeito estruturado. O curso desenvólvese dentro do programa Santiago Investors Support, que ten por obxectivo contribuír á dinamización económica da cidade. A concelleira e alcaldesa en...

A Xunta de Goberno, nunha sesión extraordinaria, aprobou a apertura do procedemento de contratación do proxecto de subministro do parque de Ramírez, no que o Concello vai investir 411.000 euros. Está previsto que esta actuación estea rematada en febreiro de 2013.

A concelleira de Educación, Rebeca Domínguez, informou en rolda de prensa das obras de reparación e mantemento que se están a realizar nos centros de primaria e escolas infantís, así como do procedemento para a contratación do servizo de comedor escolar. Ademais, recordou que están expostas as listas de admitidos na Escola Infantil de Salgueiriños.