ALCALDÍA
O Obradoiro recibe a homenaxe e o aplauso da Corporación
Despois de disputar os play off da liga de baloncesto por primeira vez na súa historia, o Blusens Monbus, directivos e xogadores, foi recibido no Pazo de Raxoi pola Corporación compostelá encabezada polo alcalde, Ángel Currás.
EDUCACIÓN
A UMAD promove dúas iniciativas de prevención de drogodependencias orientadas aos máis novos
Dentro do Plan de Acción Local para a prevención da drogodependencia a concelleira de Benestar Social, María Castelao, presentou dúas actuacións dirixidas á xuventude e enmarcadas no ámbito de ocio e das actividades formativo- educativas: os concertos sen alcol e o programa municipal de Apoio educativo.
NORMALIZACIÓN LINGÜÍSTICA
A Casa das Asociacións de Cornes acolleu unha charla da agregada de educación e cultura da Embaixada de Canadá con grande éxito de público
Esta charla, á que asistiu a concelleira de Xuventude, Rebeca Domínguez, ofreceu a todos os mozos e mozas de Santiago, entre 18 e 35 anos, toda a información necesaria para emprender unha viaxe laboral ao país norteamericano, cunha ríxida lei en materia de traballo.
Santiago incorpórase á Asociación de municipios do Camiño mediante a aprobación dos Estatutos do Observatorio Xacobeo
O concelleiro de Relacións Institucionais, Francisco Noya, presentou en rolda de prensa o acordo polo que se decide adoptar a participación de Compostela nesta Rede de irmandade xacobea.
SEGURIDADE
O Concello aproba definitivamente o Plan de Emerxencias Municipal
O Plan de Emerxencias Municipal de Santiago de Compostela será levado ao pleno ordinario do mes de maio e entrará en vigor o día despois da súa publicación no Boletín Oficial da Provincia
A homologación do Plan de Emerxencia Municipal(PEMU) foi aprobado por unanimidade no pleno da Comisión Galega de Protección Civil e na fase de exposición ao público non tivo ningunha alegación
ECONOMÍA E EMPREGO
O Cersia acolle a Xornada técnica "Rendibiliza o capital intanxible da túa empresa. Incentivos fiscais á I+D"
Este evento conta cun gran éxito de convocatoria entre as empresas relevantes da economía Compostelana e consultoras especializadas en I+D+i.
EDUCACIÓN
Remata o XVIII Certame de Teatro Intercentros coa entrega dos premios aos gañadores de primaria
O Teatro Principal acolleu o acto de entrega dos galardóns do XVIII Certame de Teatro Intercentros correspondente aos alumnos de primaria, ademais da representación da obra gañadora: "Non sen o meu teléfono móbil", do grupo A aula do fondo do CEIP Lamas de Abade.
DESENVOLVEMENTO SOSTIBLE
Santiago participa nun proxecto europeo de eficiencia enerxética
A concelleira de Urbanismo e Desenvolvemento Sostible, María Pardo, e o diretor da Área de Urbanismo, José Oreiro, presentaron os dous proxectos europeos nos que participa Santiago e que teñen como obxectivo a busca dunha mobilidade sostible e da maior eficiencia enerxética.
Os centros socioculturais animan a participar nun vídeo sobre os cines de Compostela
Os centros socioculturais buscan persoas interesadas en participar na gravación dun vídeo no que se recollerán todas as testemuñas da historia da cidade en torno a esta temática contadas polos seus protagonistas.
SANIDADE
Santiago de Compostela será a capital europea da biotecnoloxía en 2014
A Asociación Española de Bioempresas (ASEBIO) e a Xunta de Galicia, a través da Consellería de Sanidade, organizarán a sétima edición de BioSpain, que terá lugar entre o 24 e o 26 de setembro de 2014 en Santiago de Compostela
