Noticias

Ante o interese e a alta participación de pais e nais no obradoiro "A sexualidade dos nosos fillos e fillas. ¿Un tema de familia?", do Programa de pais e nais para a educación, a Unidade Municipal de Atención a Drogodependentes (UMAD) preparou unha conferencia final. Encargarase da mesma Manuela Mateo-Morales Vila, psicóloga e autora do libro "¿Cómo se lo explico? Educación sexual en la infancia".

A Concellería de Mocidade, en colaboración co colectivo Zónula Catro, organiza os Primeiros Encontros de Xogos de Rol "As catro mesas". Trátase dunha iniciativa de promoción dun tipo de xogos que de xeito lúdico estimula a creatividade e a imaxinación. A participación é de balde.

Os novos polígonos de vivendas xa ocupados e os que se irán abrindo en vindeiras datas fixeron necesario buscar unha relación de nomes cos que bautizar rúas, prazas e parques da cidade, a fin de que os veciños poidan rexistrarse e dar de alta os servizos básicos. Por este motivo e á vista das suxestións formuladas no seu día polas tres formacións políticas, o Pleno aprobou, cos votos favorables dos dous grupos municipais do Goberno e o negativo do PP, unha lista de 69 nomes proposta pola Alcaldía.

Tal como anunciara o alcalde e logo de pasar polo Consello Asesor de Condecoracións, o Pleno municipal aprobou por unanimidade a concesión da Medalla de Ouro da Cidade ao Museo do Pobo Galego. A distinción é "unha mostra notoria da súa gratitude e eminente recoñecemento polos altos servizos e atencións prestados nesta cidade".

Sogama, en colaboración co Concello de Santiago, pon en marcha unha campaña de concienciación e sensibilización escolar sobre a promoción do transporte limpo, especialmente do uso da bicicleta.

Trátase dun dos concertos máis espectaculares da temporada, coa Real Filharmonía ao completo, o coro Collegium Compostellanum e as voces de Andreas Scheibner e Stephanie Houtzell, todo baixo a batuta de Maximino Zumalave. O xoves 29 de novembro, ás 21:00 horas, no Auditorio de Galicia.

Durante unha semana Santiago de Compostela converterase na principal referencia gastronómica de Europa coa presenza dos grandes cociñeiros do panorama culinario actual. O Fórum Gastronómico Santiago’08. As cociñas do Atlántico, que terá lugar entre o 16 e o 20 de febreiro de 2008, no Palacio de Congresos e Exposicións de Galiciaa, congregará a expertos como Ferran Adrià, Vitor Sobral, Paul Cunningham, Seiji Yamamoto, Stephane Buyens, Koldo Miranda, Jordi Roca, René Redzepi ou os membros do Grupo Nove,...

A UTE formada por Corsán-Corviam Construcción, Copcisa e Teconsa será a encarga de construír a nova terminal aeroportuaria de Lavacolla. AENA anunciou a adxudicación a esta unión de empresas da obra, que fixa un prazo de 26 meses, polo que o edificio podería estar rematado na primavera de 2010. A oferta da adxudicataria ofrece un orzamento de 125.836.820 euros, o que supón unha rebaixa do 26,62% sobre o orzamento inicial.

A concelleira de Medio Ambiente e Desenvolvemento Sostíbel, Elvira Cienfuegos, manifestou o seu rexeitamento ante solta indiscriminada de visóns acontecida na madrugada do mércores 28 en San Marcos. Hai que lembrar que os visóns son unha especie moi voraz e no noso medio actúan como depredadores e invasores.

A cidade de Compostela foi a sede, por primeira vez, da reunión do Comité Confederal da UGT, o seu máximo órgano de decisión entre congresos.