Noticias

O VIII Encontro Thao Palencia aúna conferencias de profesionais da saúde infantil con mesas redondas e grupos de traballo para escolas, ampas, profesionais da saúde e empresas. A concelleira de Benestar, María Castelao, representou ao Concello e recolleu o premio que acredita á cidade como participante no proxecto.

O sábado, 25 de maio, ás 11:00, no CSC As Fontiñas, remata a actividade de animación á lectura que se veu desenvolvendo durante todo o mes de maio en 15 dos Centros Socioculturais co título Letras na Corda, dentro do programa Ler, Contar e Gozar coas letras, que tivo como protagonista ao dramaturgo Roberto Vidal Bolaño.

A Concellaría de Centros Socioculturais, coa finalidade de ofertar un servizo para o lecer e o tempo libre dos máis pequenos durante as mañás do mes de xullo, facilita en sete localizacións da rede sociocultural, as "mañas de verán e de xogo". O concelleiro de Centros Socioculturais e Participación Cidadá, Francisco Noya, presentou o programa completo de actividade en rolda de prensa.

A concelleira de Xuventude, Rebeca Domínguez, acompañada polo vicerreitor de Estudantes da USC, Francisco Durán, expuxo os principais puntos do acordo, que facilita o visido a Canadá para mozos, co fin de que encontren unha oportunidade laboral. O vindeiro 29 de maio ás 18h a Casa das asociacións de Cornes acolle unha charla aberta impartida polaagregada de educación e cultura da Embaixada de Canadá en España para que todos os interesados recaben a información que necesiten.

A rúa Xeneral Pardiñas, no tramo entre as rúas Montero Ríos e República Salvador, loce diferente: desde agora conta cun Paseo das Estrelas do comercio compostelán. A concelleira de Comercio, Reyes Leis, acompañada de representantes das asociacións de comerciantes da cidade, e de moitos dos premiados e os seus familiares, que se acercaron para poder ver a súa propia estrela, inauguraron o paseo.

A concelleira de Urbanismo e Desenvolvemeto Sostible, María Pardo, asistiu en Santander ao IV Foro Civitas España. Previamente, o Concello de Santiago acordou, na sesión da Xunta de Goberno do 8 de maio, a adhesión da cidade á Asociación Rede Civinet España e Portugal

A Gastronomía, o Camiño de Santiago e os ríos Ulla e Tambre, cos seus afluentes, son os principais polos de atracción da Área Santiago.

O alcalde, Ángel Currás, e a concelleira de Benestar Social, María Castelao, asisten á gala benéfica contra o cancro que se celebra no Hotel Monumento, organizada pola Asociación Española Contra o Cancro. Os beneficios xerados serán utilizados para continuar e mellorar as liñas de investigación da asociación.

O curso, organizado pola Federación Galega de Fútbol, con máis de cen persoas inscritas, celebrararase durante toda a fin de semana. Os asistentes poderán gozar das copas de Europa e do Mundo cedidas pola Federación española expresamente para a celebración deste acto.

A concelleira de Economía, Reyes Leis, exerceu de anfitriona na inauguración do encontro, que se celebrou no edificio Cersia de San Lázaro e que contou coa presenza do vicepresidente da Xunta, Alfonso Rueda.