Noticias

O alcalde compostelán, Xosé A. Sánchez Bugallo, presidiu un novo consello de administración da Empresa Municipal de Vivenda e Solo (EMUVISSA) no que, entre outras cuestións, acordouse a ampliación do contrato de execución das obras de urbanización do SUP-6 e do SUNP-22. Deste xeito, e con carácter inmediato, poderá empezar a prolongación da avenida da Liberdade.

A Escola Municipal de Música segue a medrar, como o demostra o amplo calendario de actividades para o segundo trimestre do curso. A principal novidade é a participación dos alumnos na I Mostra do Eixo Atlántico.

Os campos de Santa Isabel e das Cancelas acollerán os días 23 e 24 de febreiro a segunda fase do Campionato Nacional Feminino de Seleccións Autonómicas de Fútbol.

A Fundación Compostela Deporte e o Club Ciclista Compostelano-Muebles Compostela presentaron a vindeira edición da Volta Ciclista da Ascensión, que terá lugar os días 1, 2 e 3 de maio, para as categorías Elite e Sub-23.

O servizo de atención ao público do Proxecto Crear que desenvolve a Concellaría de Promoción Económica, Emprego, Comercio e Turismo, atendeu 2.799 consultas desde o 1 de outubro do 2007 ao 31 de xaneiro do 2008.

O xoves 21 de febreiro comezarán as actividades do Parque Infantil de Tráfico coa participación dos escolares do CEIP López Ferreiro. Ó acto de inauguración está previsto para ás 12:00 horas, coa presenza do alcalde, Xosé A. Sánchez Bugallo, e das concelleiras de Educación, Guadalupe Rodríguez, e de Mobilidade, Marta Álvarez-Santullano.

A receita "Polbo mollado", elaborada por Eneko Atxa, foi merecedora do premio Cociña e saúde, outorgado co fin de recoñecer a receita máis saudable dende a análise nutricional, baseado nos principios da dieta atlántica.