FACENDA
O Concello e o Colexio Oficial de Xestores Administrativos colaborarán para impulsar a xestión tributaria electrónica
O alcalde compostelán, Xosé A. Sánchez Bugallo, vén de asinar un convenio co delegado da provincia da Coruña do Colexio Oficial de Xestores Administrativos de Galicia, Luis Rivera Caramés, que establece un sistema de colaboración entre a administración tributaria do Concello e o Colexio.
ALCALDÍA
Iníciase o proxecto de expropiación da Casa do Cabildo
Unha vez habilitado un crédito de 1.279.306 euros polo Consorcio, a Xunta de Goberno acordou o inicio do procedemento de expropiación, por taxación conxunta, da Casa da Cabildo. Dese xeito, pasarán ao dominio público os edificios 5 e 6 da praza das Praterías, cunha superficie respectiva de 194,7 e 337 metros cadrados.
OBRAS
Obras de mellora nun tramo da travesía de Figueiras
O Goberno local aprobou o proxecto de obras de mellora e acondicionamento dun tramo da travesía de Santiago e Figueiras, entre os puntos quilométricos 3,52 e 4. Así mesmo, acordouse remitir á Deputación da Coruña a resolución favorable de Patrimonio Cultural para que a entidade provincial contrate as obras.
EDUCACIÓN
A concurso a xestión da Escola Municipal de Música
A Xunta de Goberno local aprobou os pregos de cláusulas administrativas e iníciase o expediente de contratación da xestión da Escola Municipal de Música. Unha vez rematado o actual contrato, realizarase outro, por un ano, prorrogable por outro máis.
BENESTAR SOCIAL
Visto bo municipal á terceira residencia pública de persoas maiores da cidade
O Goberno local deu conta do convenio de colaboración entre a Vicepresidencia da Igualdade e do Benestar, o Concello de Santiago e a Fundación José Otero-Carmela Martínez, para a construción dunha residencia de persoas maiores dependentes en Santiago.
SANIDADE
O Refuxio de Bando ampliarase con dous novos módulos
Un convenio entre o Concello e a Xunta permitirá ampliar e mellorar o Refuxio de Bando con dous novos módulos. O Goberno municipal deu conta deste acordo, polo que a Dirección Xeral de Conservación da Natureza achegará 180.000 euros.
PROMOCIÓN ECONÓMICA
Nacen catro novas empresas no marco do Equal Compostela Social
O concelleiro de Promoción Económica, Emprego, Comercio e Turismo, Xosé Manuel Iglesias, presentou catro novas empresas xurdidas no marco de Equal Compostela Social: Carnicería Camilo, Ela Interiorismo, Estanco de Cornes e Paco Rocha: fotografía. Dende a creación deste programa de fomento do autoemprego, en novembro do 2005, constituíronse 49 proxectos empresariais.
ALCALDÍA
A libraría Couceiro abre as súas portas en Cervantes
Despois de décadas no local da República de El Salvador e dun período transitorio no Hórreo, abre as súas portas na praza de Cervantes a libraría Couceiro. Dende o luns 23 está aberta ao público este establecemento, tan ligado á historia de Compostela.
FESTAS
Orishas presenta en Santiago o seu último traballo recompilatorio
A antesala do Día Grande de Galicia ven repleta de actividades organizadas para todos os públicos. A primeira cita do martes 24 será ás doce da mañá coa animación polas rúas de gaiteiros e o encontro de xigantes e cabezudos na Quintana. Xa pola tarde haberá unha nova xornada de Ferradura Aberta para os máis novos.
FESTAS
Cita nas rúas co Día do Traxe Galego
O concelleiro de Mocidade e Festas, Xosé Baqueiro; a presidenta da Asociación do Traxe Galego, Pilar Domínguez; e un representante do Centro Comercial Compostela Hipercor, Francisco Díaz, presentaron en rolda de prensa a vixésimo novena edición do Día do Traxe Galego, que terá lugar dentro do marco das Festas do Apóstolo o xoves 26 de xullo.
