Noticias

A incorporación de Carlos Nieves e Guadalupe Rodríguez como concelleiros e o cesamento dos seus predecesores motivou o cambio de representantes do Grupo Municipal Socialista en varias empresas municipais e comisións informativas. Así se ratificou no Pleno extraordinario celebrado en Raxoi

A nova compañía aérea Clickair presentou en Santiago o inicio da súa actividade dende o aeroporto de Lavacolla. Dende o 1 de abril haberá dous vos diarios entre Santiago e Barcelona.

Santiago de Compostela acollerá durante a Semana Santa a segunda edición do Festival de Músicas Contemplativas, un proxecto deseñado e organizado polo propio Consorcio de Santiago co obxecto de aunar arquitectura e música en relación co patrimonio restaurado e rehabilitado polo propio Consorcio.

Andrómenas é o comercio gañador do o III Concurso Municipal de Escaparatismo "SCQ Shopping" , fallado o 14 de febreiro, que convoca a Concellaría de Promoción Económica e Comercio. É o segundo ano consecutivo que gaña este concurso, xa que no ano 2005 tamén quedou en primeiro lugar.

O venres 16, ás 20:00 horas, iníciase no Centro Sociocultural do Castiñeiriño o percorrido das corais da cidade polos distintos centros socioculturais. Nesta sesión inaugural actuará a Coral Polifónica La Salle e a Agrupación Folclórica Cantigas e Agarimos no Centro Sociocultural do Castiñeiriño o calendario de actuacións de corais nos centros socioculturais da cidade.

O alcalde compostelán, Xosé A. Sánchez Bugallo, presidiu o Consello de Relacións Veciñais. No mesmo debateuse sobre a proposta de regulamento para o funcionamento da Casa das Asociacións.