Noticias

O salón de actos do IES Rosalía de Castro acolleu a clausura do programa de actividades da Escola Municipal de Verán de Inglés, na que participaron máis de 200 nenos e nenas de 6 a 15 anos.

O Consorcio de Santiago destinará 500.000 euros para financiar obras do Plan Director do Auditorio de Galicia, tras a sinatura do convenio de colaboración celebrada entre o alcalde e presidente do Consorcio, Xosé A. Sánchez Bugallo e a tenente de alcalde e concelleira de Cultura, Socorro García Conde.

O concelleiro de Promoción Económica e Turismo, Xosé Manuel Iglesias, presentou a Guía de Compras de Santiago de Compostela, que ten por obxectivo promocionar o comercio de Santiago dende unha perspectiva turística, pero sendo tamén unha ferramenta útil para as persoas que viven en Santiago e a súa zona de influencia e que fan ou poden facer as súas compras habituais na cidade.

Tras catorce intensos días de actividades, grandes concertos e diversión as Festas do Apóstolo 2008 chegan ao seu fin. Con este motivo, o concelleiro de Festas e Mocidade de Santiago, Xosé Baqueiro, fixo balance destes días nos que reinou "o civismo de toda a xente que sabe divertirse sen necesidade de causar destrozos e danos, e a gran participación en todas as actividades programadas".

A concelleira de Cultura e Centros Socioculturais, Socorro García Conde, presentou na praza do Obradoiro o programa completo do Festival dos Abrazos que se desenvolverá durante todo o mes de agosto en 31 lugares da cidade.

Cos votos favorables do Grupo de Goberno e o negativo do PP, quedou aprobado definitivamente o orzamento municipal para 2008, unha vez estudadas e rexeitadas as alegacións formuladas polo grupo popular e, en materia de cadro de persoal, polas distintas formacións sindicais.

O Consello da Capitalidade acordou a creación de dúas comisións de traballo, a proposta do alcalde compostelán, Xosé A. Sánchez Bugallo, para estudar aspectos operativos do Xacobeo 2010 e a presenza de Santiago na Expo Universal Xangai 2010. Así o anunciou o presidente da Xunta, Emilio Pérez Touriño, tras unha xuntanza na que o Consello tamén tivo coñecemento do proxecto para conectar con telecabinas a cidade coa Cidade da Cultura.

No Parque de Galeras, a concelleira de Cultura e Centros Socioculturais, Socorro García, e a de Medio Ambiente, Elvira Cienfuegos, fixeron un balance de como se está a desenvolver o programa de actividades ao aire libre do Concello de Santiago Vive o verán. Tamén presentaron os contidos e actividades que se reservaron para agosto e que están a ser coordinadas entre Rede de Centros Socioculturais e o departamento de Medio Ambiente.

Tras catorce intensos días cheos de actividades, as festas do Apóstolo chegan ao seu fin cos tradicionais fogos na escalinata do campus universitario, que corren a cargo da empresa pirotécnica de Ricardo Caballer. O espectáculo comezará ás 23:00 horas do xoves 31. Tras os fogos chegará o momento de despedir as festas por todo o alto. Celébrase por primeira vez Ata o Amanecer, onde haberá oito concertos en oito puntos diferentes da cidade, co obxecto de prolongar a festa neste último día ata altas horas da madrugada.

O concelleiro de Promoción Económica e Turismo, Xosé Manuel Iglesias, presentou Latexos, un catálogo que recolle unha mostra de artistas e galerías de arte de Santiago de Compostela. O obxectivo da publicación é promocionar turisticamente o amplo conxunto de artistas e de galerías de arte co que conta Santiago, para ofertar ás persoas que nos visitan un novo xeito de coñecer a cidade a través da súa capacidade creadora.