ALCALDÍA
O alcalde escoitou as peticións dos nenos e nenas de Compostela nun pleno infantil
A Casa do Concello acolleu un pleno infantil con motivo do Día internacional dos Dereitos do Neno, coa participación de escolares dos colexios Peleteiro e La Salle.
NORMALIZACIÓN LINGÜÍSTICA
O Auditorio acolle unha función do espectáculo infantil de dinamización lingüística "Acuario"
A concelleira de Normalización Lingüística, Rebeca Domínguez, e o secretario xeral de Política Lingüística, Valentín García, acompañados pola escritora María Canosa e polo responsable de Edicións Embora (empresa xestora da actividade), Miguel Toval, presentaron o espectáculo de dinamización lingüística Acuario, incluído no programa FalaRedes 2013. Esta proposta chega a Santiago o domingo 24, cunha función de balde ás 12:00 horas na Sala Mozart do...
TURISMO
Santiago volverá a ter conexión aérea con Roma durante o verán
O alcalde compostelán, Ángel Currás, e a concelleira de Turismo, Reyes Leis, anunciaron a apertura dunha nova conexión internacional en Lavacolla, co aeroporto de Fuimicino, en Roma. Dende o 21 de xuño e ata o 12 de setembro, Vueling operará este voo con dúas frecuencias semanais.
ALCALDÍA
As veciñas e veciños de Angrois recibirán o vindeiro sábado a Medalla de Ouro da cidade
A Capela do hostal dos Reis Católicos acollerá o vindeiro sábado, 23 de novembro, ás 18:00 horas, o acto de imposición da Medalla de Ouro da Cidade de Santiago de Compostela ás veciñas e veciños de Angrois.
ECONOMÍA
Santiago acolle un encontro de inversores, analistas e emprendedores do sector das TIC
A concelleira de Comercio e Emprego, Reyes Leis, asistiu á rolda de prensa de presentación do IV Encontro Vindeira Capital Network (VCN), que se celebrará en Santiago os días 21 e 22 de novembro. Está organizado polo Cluster TIC Galicia coa colaboración do Concello de Santiago, XesGalicia, IGAPE e CFV.
CULTURA
"The broken circle breakdown (Alabama Monroe)", candidata aos premios Lux, chega a Cineuropa
Na xornada do xoves 20 poderemos ver en Cineuropa un total de 16 filmes, entre os que destacamos o primeiro pase de The broken circle breakdowm (Alabama Monroe), de Groeningen, nomeada aos premios Lux e dos que falaremos ao remate da súa proxección. Teremos novos pases do filme o venres 22 e o sábado 23. Ademais, tamén veremos por primeira vez L’image manquante, de Panh, e, por vez última, La Jalousie, de Garrel; Les destinées sentimentales, de Assayas, e Seven days in may, de Frankenheimer.
ALCALDÍA
O Rei interésase polo labor de mecenado da Fundación Barrié coa Catedral de Santiago
O alcalde de Santiago, Ángel Currás, participou na audiencia concedida polo Rei ao Grupo de Cidades Patrimonio da Humanidade de España con motivo do 20º aniversario da súa constitución. O monarca interesouse especialmente pola recente concesión do Premio Patrimonio á Fundación Barrié, a proposta do propio rexedor compostelán.
TURISMO
As Cidades Patrimonio da Humanidade de España viaxan a Bélxica e a Xapón para atraer novos visitantes
O Grupo de Cidades Patrimonio da Humanidade de España -que forman as cidades de Santiago de Compostela, Alcalá de Henares, Ávila, Cáceres, Córdoba, Cuenca, Eivissa/Eivissa, Mérida, Salamanca, San Cristóbal de la Laguna, Segovia, Tarragona e Toledo- organiza dende este martes e ata o xoves unha intensa campaña de promoción turística en Bélxica e Xapón para tratar de incrementar a chegada de turistas procedentes destes dous países.
SEGURIDADE CIDADÁ
A Xunta Local de Seguridade acorda a creación de dúas mesas de coordinación en materia de violencia de xénero
A Xunta Local de Seguridade reuniuse no Pazo de Raxoi baixo a presidencia do concelleiro de Seguridade Cidadá, Luis Bello, e do subdelegado do Goberno na Coruña, Jorge Atán. Na xuntanza analizáronse os datos de criminalidade da cidade e acordouse a creación dunha mesa de coordinación policial e doutra interinstitucional en materia de violencia de xénero.
BENESTAR SOCIAL
Conclúe o proxecto sobre vulnerabilidade social desenvolvido en Fontiñas co alumnado do IES Antonio Fraguas
A concelleira de Benestar Social, María Castelao, moderou no Centro Sociocultural das Fontiñas a mesa redonda de clausura do proxecto A nosa vida… en positivo?: vulnerabilidade social en adolescentes, reflexións técnicas e experiencias vitais.
