Noticias

O próximo sábado, 17 de novembro, celébrase o Día Mundial en Recordo das Vítimas da Violencia viaria. Con este motivo, o Concello de Santiago e a Asociación Stop Accidentes van levar a cabo unha serie de actividades para concienciar a toda a sociedade, dende os máis pequenos ata os maiores, sobre unha problemática que cada ano se cobra a vida de millón e medio de persoas.

A Cámara de Comercio, Industria e Navegación e o Concello de Santiago de Compostela presentaron esta mañá, en rolda de prensa, a oitava edición dos Premios Manuel Beiras. No acto estiveron presentes o presidente da Cámara de Comercio de Santiago, Jesús Asorey, e a concelleira de Educación e Normalización Lingüística, Guadalupe Rodríguez Silva. Estes premios tratan de recoñecer o esforzo que realizan as empresas do municipio no proceso de normalización do uso da lingua galega. A entrega dos...

O Concello súmase á iniciativa dun apagón hoxe das 20.00 ás 20.05 h baixo o lema "Fronte ao cambio climático: actúa xa". Esta iniciativa parte de varias asociacións ecoloxistas como Greenpeace, Amigos da Terra, ADEGA ou Ecoloxistas en Acción, entre outras, con motivo da presentación do Informe Científico da ONU sobre o cambio climático.

Os campións do mundo de 2006 e 2007 estarán entre os invitados deste evento internacional, que reúne a máis de 20 conpañías de estilos tan variados como a salsa cubana, salsa cabaret, On1, On2, zouk, bachata, kizomba, rumba ou chachachá. O VI Congreso Internacional de Salsa ‘Salsorro 2007’ congregará en Santiago de Compostela do 16 ao 18 de novembro a máis de 2.000 participantes procedentes de 15 países.

Como cada 14 de novembro, xornada na que se celebra o Día Mundial da Diabete Mellitus, a Asociación Compostelá de Diabéticos leva a cabo unha serie de actividades divulgativas entre a poboación coa finalidade de dar a coñecer mellor a enfermidade.
Con este motivo, instalaron unha mesa informativa na praza do Toural ata a que se achegou o alcalde de Santiago, Xosé A. Sánchez Bugallo, acompañado da concelleira de Benestar Social, Mar Martín, para apoiar a iniciativa da asociación compostelá.

A entidade pública empresarial Red.es dependente do Ministerio de Industria, Turismo e Comercio, en colaboración coa Concellaría de Promoción Económica, Emprego, Comercio e Turismo e coa Asociación de Empresarios do Polígono Industrial do Tambre desenvolverá o 19 de novembro unha xornada de formación para pemes en Santiago, coa finalidade de facilitar a súa incorporación á sociedade da información. A iniciativa enmárcase no Programa NEW (Ningunha Empresa sen Web) do Plan Avanza. Ten como...

A concelleira delegada de Urbanismo e Vivenda, Mercedes Rosón, o arquitecto do Consorcio de Santiago, Ángel Panero, e Iñaki Gaztelumendi, xerente de Turismo de Santiago, viaxan hoxe a China para supervisar o avance das propostas compostelás para a reordenación turística e patrimonial de Qu Fu. A delegación supervisarán o avance dos plans de desenvolvemento turístico e de recuperación urbana da Cidade Ming e participará no encontro trilateral ‘Protección e posta en valor da cidade histórica de QuFu’.

Como cada ano cando se achegan as datas do Nadal, o Concello de Santiago organiza o concurso de carteis no que están chamados a participar todos os escolares de educación infantil e primaria do municipio. Os gañadores, ademais dunha contía económica, poderán ver os seus debuxos ilustrando o programa das actividades que o Concello pon en marcha nesta época, como anunciou en rolda de prensa a concelleira de Educación, Guadalupe Rodríguez.

Un cuarto de siglo leva o club Squash Santiago traballando en prol deste deporte. Con motivo do aniversario, os directivos da entidade organizaron un torneo internacional que se está celebrar na cidade e que remata o vindeiro sábado. O alcalde compostelán, Xosé A. Sánchez Bugallo, recibiu no Pazo de Raxoi, acompañado de parte da corporación, aos partipantes e agradeceu a todos, xogadores, directivos e patrocinadores, o labor realizado neste ámbito deportivo.

O alcalde compostelán, Xosé A. Sánchez Bugallo, recibiu esta mañá a representantes de diversas entidades europeas relacionadas coa formación en restauración e rehabilitación de edificios, entre eles a directivos da Fundación Laboral de la Contrucción, que lle manifestaron ao rexedor a intención de que Santiago sexa a sede dun centro de referencia para a formación de profesionais a nivel europeo. Sánchez Bugallo trasladoulles a intención do Concello de colaborar no necesario para poñer en...