Noticias

As Festas do Apóstolo continúan co seu programa de actividades, que se prolongará ata o o día 31 deste mes. De momento, os composteláns e turistas están respondendo á oferta ofrecida, mostra disto é que o pasado venres foron máis de 16.000 persoas as que se congregaron no Obradoiro para ser testemuñas de excepción do pregón que daba inicio ás Festas deste ano, da man de Manuel San Martín. Máis tarde, o concerto ofrecido por Rosa López, primeiro da súa xira, tamén...

As Festas do Apóstolo arrincan cun cartel de luxo. Agardan 17 días cheos de actividades, grandes espectáculos e concertos pensados para o goce de toda a familia, os máis mozos e os turistas.

Varios milleiros de persoas encheron a Praza do Obradoiro para dar comezo a unha nova edición das Festas do Apóstolo. O pregón do actor compostelán Manuel San Martín e a actuación posterior de Rosa congregaron a composteláns e visitantes nunha noite calurosa, luminosa e chea de festa. Por diante, dezasete días de actuacións e actividades para todos.

Os rapaces e rapaces que participaron no programa "Barcelona, Educa" regresaron a Santiago tras pasar cinco días na Cidade Condal. Esta viaxe, organizada pola Concellaría de Educación quería ofrecer aos participantes un descubrimento global da cidade e espertarlles a curiosidade necesaria para coñecer e entender todos aqueles elementos e feitos que a caracterizan.

As Festas do Apóstolo arrincan coa lectura do pregón, que correrá a cargo do actor galego Manuel San Martín. Para este compostelán de nacemento supón "un soño que a miña cidade me elixise para inaugurar as festas do Apóstolo. Tras pasar un tempo fóra da miña cidade é todo un orgullo e unha emoción indescritible volver ás miñas raíces con este encargo. Isto non é máis cun regalo para min, algo que só ocorre unha vez na vida e que penso gozar como un...

A páxina do Concello de Santiago é unha das dez mellores webs municipais de España, segundo a "VI Radiografía de webs municipais" realizada polo xornal El País. O portal de Compostela sitúase no oitavo posto da lista, ascendendo trece postos respecto á cualificación do pasado ano. A de Santiago é a mellor páxina entre as galegas e recibe cada mes unha media de 65.000 visitas. O informe valóraa como "moi útil".

Os veciños de Roxos, na parroquia de Villestro, poden xa gozar do seu novo campo da festa, trala completa remodelación e mellora que vén de realizar o departamento de Parques e Xardíns. O Concello investiu 39.000 euros nestas obras, que permitiron acondicionar este espazo e dotalo de novos equipamentos.

O vieiro Sar-Pontepedriña abrirase o vindeiro venres 21 de xullo, segundo anunciou o alcalde de Santiago, Xosé A. Sánchez Bugallo. Ao acto asistirá o secretario de Estado de Infraestruturas e Planificación, Víctor Morlán Gracia. Este novo enlace permitirá aliviar a circulación nunha das principais áreas de entrada á cidade.

O Concurso Compostela CurtoCircuíto incrementou considerablemente este ano o seu nivel de participación: un 64 por cento máis que na pasada edición. A participación estranxeira incrementouse nun 13 %. A 475 ascende o número de curtas recibidas, todo un éxito de participación que contribúe á consolidación deste Festival Internacional como referente dentro da curtametraxe entre os certames deste xénero cinematográfico.

Curtocircuíto’06, o Festival Internacional de Curtas que se celebra en Santiago, integra no seu programa un Concurso de fotografía dixital. O xoves 20 de xullo, data na que comezan as proxeccións de "Curtocircuíto na rúa", ábrese o concurso, que ten fixado o 24 de outubro coma o último de recepción de fotografías. A temática deberá centrarse nas propias actividades do Festival.