Noticias

O Pazo de Congresos e Exposicións de Santiago de Compostela, acolle as Xornadas Técnicas de Empresas de Inserción Laboral, ás que asisten 130 persoas, entre poñentes, técnicos e profesionais relacionados coa promoción do emprego e a inclusión social chegados de distintas partes do España. Organizadas pola Concellaría de Promoción Económica e Emprego e pola Asociación Plataforma polo Emprego, teñen como obxectivo promover un lugar de encontro para todas aquelas persoas que dende o mundo da...

O alcalde compostelán, Xosé A. Sánchez Bugallo referiuse na súa rolda de prensa semanal á incidencia na cidade do temporal do pasado fin de semana. Á marxe dalgún problema puntual, dixo, "Santiago soportou francamente ben unhas condición climatolóxicas moi adversas".

O Nadal chegou ás rúas da cidade cando o alcalde, Xosé A. Sánchez Bugallo, inaugurou o Belén da praza do Obradoiro, chegado dende a rexión italiana de Umbria, e se acenderon as luces da praza máis emblemática de Santiago. Con este acto, ao que asistiu unha comitiva procedente da Rexión de Umbria, deu comezo o Nadal nas rúas de Santiago.

Santiago de Compostela acollerá un auténtico despregamento de profesionais do mundo da enogastronomía en febreiro. As mellores figuras internacionais, españolas e galegas mostrarán a súa arte culinaria no Fórum Santiago 2010.

O Concello de Santiago e a Cámara de Comercio entregaron, no Hotel Araguaney, os galardóns da décima edición dos Premios Manuel Beiras. Nesta ocasión os premiados foron a tenda de lambetadas Pecados, Localia Televisión e a Libraría Pedreira.

A Concellería de Educación e a Aula Aberta de Filosofía organizan res representacións da obra Cachai, a cargo da Compañía Microscopio Perdicións. A primeira das sesións terá lugar no Teatro Principal o vindeiro domingo, 13 de decembro, ás 20:00 horas, e está destinada ao profesorado de filosofía e ao público en xeral. A segunda e terceira, para alumnos e alumnas de 4º da ESO e 1º e 1º de Bacharelato, celebrarase o luns 14, ás 9:00 e ás 12:00 horas, no mesmo...

Como cada ano, os gañadores do Concurso de Carteis de Nadal recibiron os seus premios nun acto celebrado en Raxoi e presidido polo alcalde, Xosé A. Sánchez Bugallo. Foron os primeiros agasallos para uns rapaces e rapazas cuxa imaxinación ilustra o cartel e o programa destas festas en Compostela.

A concelleira de Urbanismo, Mercedes Rosón, reuniuse en Raxoi cos concelleiros de Urbanismo das outras seis cidades galegas. Foi unha posta en común das preocupacións que lles afectan en cuestións como o planeamento, o urbanismo en rede ou as relacións coas administracións autonómica e estatal.

O Club Tríatlon Bricosa vén de rematar a temporada 2009, consolidándose coma un dos mellores equipos no tríatlon español. O concelleiro de Deportes, Bernardino Rama, e parte da Corporación recibiron a directiva e os integrantes da formación compostelán.

O XV Premio de Investigación Antonio Fraguas sobre o Traxe Galego tivo como gañadoras a Uxía Pérez Astray, polo seu traballo Os chapeus e a Mª Ángeles Rozados Fernández, cun traballo titulado Unha aportación ao estudo do traxe galego: Santiago e comarca no século XVII.