Noticias

Os veciños de Nemenzo contan xa cun novo campo para celebrar as festas patronais de Santa Cristina, o 27 e 28 deste mes de setembro. O acto inaugural celebrarase este xoves 26, ás 12.00 horas coa asistencia do alcalde compostelán, Ángel Currás, a concelleira de Obras, María Pardo, e membros da Asociación de Veciños.

A Concellería de Centros Socioculturais programa unha nova viaxe dentro do programa Imos de excursión. É a denominada "Castela a gusto" e levará os participantes ás localidades de Valladolid e Peñafiel os días 12 e 13 de outubro. O prazo de inscrición ábrese o martes 24 de setembro a partir das 17:00 horas.

A concelleira de Turismo, Reyes Leis, acompañada do responsable da Santiago de Compostela Film Commission, Dimas González, presentaron no Pazo de Raxoi o acto promocional que Santiago fará no Festival de Cine de San Sebastián co obxectivo de amosar as posibilidades que ofrece a cidade como estudio de cine.

Máis de sesenta actuacións, microteatro de títeres, mesas redondas, obradoiros e exposicións forman parte da variada oferta do Galicreques, que dende o sábado 28 de setembro e ata o 6 de outubro inundará de títeres prazas e teatros de Compostela.

O alcalde compostelán, Ángel Currás, xunto coa concelleira de Turismo, Reyes Leis, asistiron á xuntanza do Grupo Área Santiago coa directora de Turismo de Galicia, Nava Castro.

O alcalde e presidente do Consorcio de Santiago, Ángel Currás, presidiu a Comisión Executiva e o Consello de Administración do ente interadministrativo. Nelas, aprobouse a Conta Xeral do Consorcio correspondente ao exercicio 2012. Así mesmo, deuse conta do reinicio das obras de rehabilitación do antigo curtidoiro de Pontepedriña de Arriba, e a súa adecuación como sede do Centro Nacional de Formación en Materia de Rehabilitación, mediante unha encomenda de xestión á empresa Tragsa. De feito, a acta de...

Este sábado 21, o rugby español homenaxeará as vítimas do accidente ferroviario de Angrois. Será grazas a un torneo benéfico ao que acudirán xogadores procedentes de toda España, salientando a participación da Selección Española de Veteranos, España Classics.

Hai tres meses, Isabel Vila e FainoTí gañaban o I Concurso de proxectos de publicidade comercial en galego convocado pola Concellaría de Normalización Lingüística. Dende aquel momento estiveron a pulir a proposta que presentaron a concurso, para lanzala nunha festa que celebraron en O Boneco Bar (avenida de Raxoi, 19, Baixo) a partires das 20:30 horas. O evento contou coa actuación de Aldaolado, poesía, música e historias. Sorteáronse cinco lotes básicos de labores e houbo un fotocol.

A concelleira de Emprego, Reyes Leis, visitou no cruceiro de San Pedro un dos sete puntos de información do Programa de Cualificación Profesional do Urbana Santiago Norte, que estarán en funcionamento os días 20, 21, 23 e 25 de setembro. Presentou deste xeito unhas accións que teñen como obxectivo que os os traballadores e traballadoras desta área poidan mellorar a acreditación das súas competencias profesionais e tamén a súa formación, para incrementar a súa capacidade de inserción no mercado...

A concelleira de Muller e Igualdade, María Castelao, anunciou a próxima publicación no Boletín Oficial da Provincia (BOP) da convocatoria de subvencións para o fomento de actividades e do movemento asociativo de mulleres. Este programa de axudas está incluído no III Plan de Igualdade do Concello de Santiago.