Noticias

Sete igrexas da cidade histórica de Santiago de Compostela xa están preparadas para acoller a próxima edición do Festival de Músicas Contemplativas. En total serán 15 concertos nos que se darán cita tradicións musicais de oriente e occidente, nunha sorte de diálogo cultural.

Curtocircuíto, o Festival Internacional de Curtametraxes de Santiago de Compostela, que organiza a Concellaría de Cultura, contará con tres programas de curtametraxes destinadas ao público infantil e xuvenil. O programa para público novo vense realizando dende hai 4 anos cun enorme interese por parte de colexios e institutos composteláns, que aproveitan o festival para que os máis novos tomen contacto co mundo das curtas.

Kalandraka vai presentar o Premio Internacional Compostela de Álbum Ilustrado na 47ª Feira Internacional do Libro Infantil e Xuvenil de Boloña, que se celebra na cidade italiana. O acto celebrarase o xoves 24 e asistirán editores, axentes literarios, autores e ilustradores, tradutores e especialistas en literatura infantil e xuvenil de todo o mundo.

Presentáronse os resultados da primeira fase do Plan de Mellora para os Comercios en Activo, na que se realizaron 23 estudos de tres áreas: decoración e interiorismo, xestión de stocks, e análise da oferta comercial. Este programa constitue unha ampliación dos Servizos que presta o Servizo de Apoio á Empresa (SAE).

A Xunta de Goberno aprobou diversas contratacións, boa parte delas relativas a obras e actuacións contempladas no Fondo Estatal para a Sostibilidade Local. Á marxe destas, salienta o visto bo proxecto do aparcadoiro público en Salgueiriños.

A Xunta de Goberno municipal aprobou inicialmente o Plan parcial de ordenación do SUD-7 de Vite de Arriba. Alí prevese a construción dun máximo de 174 novas vivendas, das que 134 serán libres e o resto de protección oficial.

Na súa segunda xornada en Bruxelas, o alcalde de Santiago compartiu un almorzo de traballo co Intergrupo Parlamentario do Camiño de Santiago, que preside o popular Francisco Millán Mon.

Aproveitando a celebración do 25 aniversario das capitais europeas da cultura, o alcalde compostelán, Xosé A. Sánchez Bugallo, acompañado polo concelleiro de Relacións Institucionais, Andrés Fariña; o catedrático de Historia Medieval, Fernando López Alsina; e a directora de Cursos Internacionais, Lanzada Calatayud, presentou na Fundación Galicia Europa, en Bruxelas, o proxecto Santiago-Une. Estas actividades enmárcanse no Plan de Difusión Exterior de Compostela 2010 do Concello de Santiago.

A Unidade de Atención ás Migracións (UAMI), dependente da Concellería de Benestar Social, pon en marcha un Obradoiro de Recursos para Inmigrantes. Desenvolverase no Centro Sociocultural de Conxo dende mañá martes, 23 de marzo, ata o venres 26.

Despois de ter realizado un informe detallado de todas as necesidades dos centros educativos, a Concellería de Educación atenderá boa parte das mesmas grazas a unha serie de obras incluídas no Fondo Estatal para a Sostibilidade Local. Serán 900.000 euros os que se invistan nunhas actuacións que afectarán aos centros de infantil e primaria, ás escolas rurais e ás escolas infantís de titularidade municipal.