XUVENTUDE
A Concellería de Xuventude organiza outro obradoiro de doces de Nadal
Debido á gran demanda para o obradoiro Doces de Nadal, previsto para o 30 de decembro, a Concellería de Xuventude organiza outra sesión máis do mesmo o xoves 2 de xaneiro.
CULTURA
Pistacatro representa "Impreuna": o circo feito en Galicia "como nunca antes viras"
Circo, danza, teatro e comedia xúntanse no espectáculo Impreuna, de Pistacatro, que estará no Auditorio de Galicia o venres 27 e o sábado 28 de decembro ás 20:30 horas.
IGUALDADE
Quince menores aprenden mediante as artes plásticas a afrontar situacións de violencia de xénero ou de problemas familiares
A concelleira de Familia, Benestar Social, Muller e Igualdade, María Castelao, e a secretaria xeral de Igualdade da Xunta de Galicia, Susana López Abella, visitaron a actividade de intervención con menores expostos a situación de violencia de xénero que se celebra na Casa das Asociacións de Benestar Social, en Salgueiriños.
XUVENTUDE
Obradoiro de pequenos agasallos
Este xoves e venres, o Centro Sociocultural e Xuvenil Municipal do Ensanche acolle un Obradoiro de pequenos agasallos. A concelleira de Xuventude, Rebeca Domínguez, asistiu á primeira das sesións.
COMERCIO
Rogelio Pérez, o CSC da Gracia, O Boneco Bar e La Reina de Saba gañan os concursos de Beléns e de Ambientación de Nadal
Xa se coñecen os gañadores do Concurso de Beléns e do Concurso de Ambientación de Nadal, elixidos por votación popular a través do Facebook do programa #Nadalamos. Os vencedores recibirán os seus galardóns nun acto que se celebrará este venres 27, ás 12:00 horas, no salón vermello do Concello.
COMERCIO
Xornadas de portas abertas na pista de xeo
O Concello fai posible a celebración de varias xornadas de portas abertas na pista de xeo da Alameda, co fin de que todos os composteláns poidan gozar desta actividade durante o Nadal. Así, a pista será de acceso libre durante todo o día nas xornadas do 31 de decembro e do 1 e 13 de xaneiro. Tamén serán de portas abertas as mañás dos días 25 de decembro e 6 de xaneiro.
PLENO
Unha modificación puntual no PXOM permitirá graduar as obras autorizadas nos inmobles fóra de ordenación
O Pleno da Corporación, na súa sesión ordinaria de decembro, aprobou a modificación puntual da normativa urbanística do Plan Xeral de Ordenación Municipal aplicable ás situacións fóra de ordenación. Supón o cambio dos artigos 109 e 124 e do capítulo IX do devandito PXOM.
MEDIO RURAL
O Concello acometerá o asfaltado de 37 pistas en 17 parroquias do rural
O alcalde compostelán, Ángel Currás, anunciou unha nova fase de obras no rural. Trátase dun investimento de máis de 700.000 euros en obras de asfaltado en 37 pistas de 17 parroquias, ás que se unen outras tamén de mellora da calzada na Barciela, Verdía e Conxo, e unha de substitución da rede de abastecemento de Bornais. Acompañaron ao rexedor nesta rolda de prensa os concelleiros de Urbanismo, María Pardo, e os concelleiros encargados do seguimento do Medio Rural, Luis Meijide e José Rosende.
CENTROS SOCIOCULTURAIS
Curso sobre coidado de persoas maiores no Local Sociocultural da Gracia
A Concellería de Centros Socioculturais organiza, en colaboración coa Cruz Vermella de Santiago, un curso dirixido a mellorar as habilidades dos coidadores de persoas maiores no fogar. As sesións formativas desenvolveranse no Local Sociocultural da Gracia os mércores 29 de xaneiro e 5, 12 e 19 de febreiro, en horario de 19:00 a 21:00 horas.
CENTROS SOCIOCULTURAIS
Continúan as actividades de "Vive o Nadal"
Este luns 23 de decembro celebrouse a primeira xornada do programa de tempo libre matinal Mañás de Nadal nos centros socioculturais de Conxo, Santa Marta, A Gracia e Figueiras, no que participan 82 rapaces, que gozarán dun variado programa de actividades durante as vacacións de Nadal.
