Noticias

Producións Teatrais Excéntricas estrea este venres en Compostela A cabeza do dragón, a primeira representación teatral dunha obra de Valle-Inclán en galego. As funcións serán ademais de mañá, día 3, tamén os días 4, 5, 9, 10 e 11 de marzo ás 20:30 horas, nun dos eventos culturais máis relevantes do 2017 no país.

O alcalde de Santiago, Martiño Noriega, presidiu esta tarde o acto de entrega dos premios da IX edición do certame Educacompostela. Foi nun acto no Salón Nobre do Concello no que estivo acompañado do concelleiro de Educación e Cidadanía, Manuel Dios, e da presidenta da Nova Escola Galega, María Dolores Candedo.

Recollida de cans e gatos abandonados na vía pública. Tódolos días do ano, as 24 horas do día.

Proceso de admisión do alumnado en centros docentes sostidos con fondos públicos para o curso 2017/2018, nas escolas infantís municipais e na Escola Municipal de Música. En primeiro lugar, adxúntase a documentación relativa aos centros docentes públicos e, a continuación, a relativa ás escolas infantís municipais.

A Real Filharmonía de Galicia celebra o seu concerto semanal de abono este xoves 2 de marzo, na súa sede, o Auditorio de Galicia. A cita será ás 20:30 horas, baixo a batuta do mestre onubense Lucas Macías, que ademais de director é un grande intérprete de oboe.

O salón amarelo do Pazo de Raxoi acolleu esta mañá unha breve representación teatral da obra de teatro Té con Kant. Serviu como aperitivo do que o estudantado de Filosofía de Bacharelato dos centros públicos de Compostela poderán ver o vindeiro luns 6 de marzo, a partir das 11:30 horas, no Paraninfo de Historia da USC.

O concelleiro de Medio Ambiente e Convivencia, Xan Duro, presentou hoxe o proxecto de renovación da área de xogos infantís do parque de Galeras, no que se van investir preto de 75.000 euros. O edil lembrou que os elementos de xogo desta área teñen unha antigüidade de máis de 14 anos.

A concelleira de Políticas Sociais, Diversidades e Saúde, Concha Fernández, deu a coñecer esta mañá a exposición de pintura que se inaugura esta tarde na Fundación Eugenio Granell, e que se poderá visitar ata o 26 de marzo.

O concelleiro de Educación e Cidadanía, Manuel Dios, presentou esta mañá no Pazo de Raxoi as bases da décima edición do Premio Internacional Compostela para Álbums Ilustrados. Estivo acompañado do director de Kalandraka, Xosé Ballesteros, e do reponsable do Departamento de Educación, Xosé M. Rodríguez-Abella.

A programación do Entroido 2017 concluíu este mércores co acompañamento do Meco dende a praza do Toural ata a praza Roxa, onde ardeu finalmente.