URBANISMO
Visto bo ao novo nexo de unión entre o vello e o novo Ensanche
A Xunta de Goberno do luns 7 de abril aprobará inicialmente o proxecto de urbanización do SUP-1 de Romero Donallo. Así o anunciou o alcalde compostelán, Xosé A. Sánchez Bugallo, que cualificou como "moi delicado" este proxecto, que "que permitirá conectar o novo Ensanche de Conxo co dos anos 70".
MERCADOS
Sánchez Bugallo: "Temos toda a vontade de seguir falando cos gandeiros, pero non renunciaremos á nosa responsabilidade"
Na súa habitual rolda dos venres, o alcalde compostelán, Xosé A. Sánchez Bugallo, referiuse ao conflito do mercado de Amio. Ao respecto, indicou que o Goberno municipal ten "toda a vontade de falar" e a disposición a "colaborar no que sexa compatible", pero que "non imos a renunciar á nosa responsabilidade cos cidadáns respecto a unha instalación que é completa e absolutamente municipal".
CULTURA
A Real Filharmonía achega a Galicia "A Paixón segundo San Xoán"
Santiago, A Coruña e Lugo acollerán unha das obras cume de Bach A Paixón segundo San Xoan, interpretada pola Real Filharmonía de Galicia, baixo a dirección do holandés Frans Bruggen. Trátase dunha composición que mobilizará sobre o escenario a preto de 70 artistas
CIDADE HISTÓRICA
Comezan as obras de consolidación de pavimento da rúa Bautizados
A Concellaría de Rehabilitación e Cidade Histórica iniciará o luns 7 de abril as obras de consolidación do pavimento da rúa Bautizados. O proxecto contará cun orzamento total de 27.296 euros para cubrir os traballos necesarios de reposición e reparación do enlousado de pedra existente nesa rúa.
CULTURA
Cultura regalará un libro ás persoas que merquen dous exemplares nas casetas da Feira do Libro
A Concellaría de Cultura ten por segundo ano consecutivo un espazo propio na Feira do Libro que se inaugura o sábado 5 na Alameda, organizada pola Agrupación de Libreiros de Santiago-Federación de Libreiros de Galicia. Nesta edición, que é xa a XXVII da Feira, os libros editados pola concellaría estarán presentes de novo no Paseo Central da Alameda.
CULTURA
Abril máxico e musical
A programación cultural de abril vén cargada de actividades, entre as que destaca unha nova edición de Compostela Máxica, do 12 ao 19; o concerto de Tom Zé no marco de Sons da Diversidade e a representación 13 rosas.
CULTURA
Continúan as actividades na exposición "A historieta galega 1973–2008"
O sábado 5 de abril, de 10:00 a 13:00 horas, na sala de exposicións Isaac Díaz Pardo do Auditorio de Galicia, continúan as actividades da exposición A historieta galega 1973–2008. Fran Bueno rematará a viñeta xigante que comezou o 15 de marzo, na que recrea o conto de Carapuchiña vermella. Bueno perfilará e terminará de dar cor a esta obra e explicará a todos os presentes o proceso de realización da viñeta.
URBANISMO
Ábrense as plicas para o concurso das obras de urbanización do SUNP-11 do Castiñeiriño
O xoves 3 de abril abríronse as plicas para o concurso das obras de urbanización do polígono SUNP-11 do Castiñeiriño, promovido por Emuvissa. A empresa que resulte finalmente adxudicataria executará 8.660 metros cadrados de vieiros, ademais de 12.854 metros cadrados de equipamentos e áreas libres.
CULTURA
Botan a andar dous clubs de lectura na Biblioteca Ánxel Casal
Presentáronse na Biblioteca Ánxel Casal os dous clubes de lectura que botarán a andar o mes de abril, un presencial e outro virtual. Trátase de actividades culturais e de lecer que pretenden funcionar como puntos de encontro e de intercambio de opinións sobre obras da literatura galega e universal, tanto clásica como contemporánea.
ALCALDÍA
A Comisión Asesora do Casco Histórico aproba a restauración do Pórtico da Gloria
Na xuntanza que mantiveron os membros da Comisión Asesora da Cidade Histórica aprobáronse as obras de restauración do Pórtico da Gloria. Tamén obtiveron o visto e prace a reforma do Centro de día e Albergue de Xoán XXIII, e o proxecto de alumeado do Parque da Alameda e Santa Susana.