Noticias

O Grupo de Cidades Patrimonio da Humanidade de España, entidade que reúne as 15 cidades inscritas na Lista do Patrimonio Mundial da UNESCO, presentou onte á noite no Museo Thyssen-Bornemisza de Madrid a oferta turística e cultural das cidades pertencentes á rede: Alcalá de Henares, Ávila, Baeza, Cáceres, Córdoba, Conca, Eivissa, Mérida, Salamanca, San Cristóbal de la Laguna, Santiago de Compostela, Segovia, Tarragona, Toledo e Úbeda. A concelleira de Turismo, Marta Lois, representou a Santiago neste acto.

O Consorcio de Santiago e Teófilo Edicións acaban de publicar Periferias y (Des)bordes, o segundo tomo da investigación Evolución urbana y cambios morfológicos, Santiago de Compostela 1778-1950, do arquitecto e profesor compostelán Pablo Costa Buján. O alcalde de Santiago e presidente do Consorcio da cidade, Martiño Noriega, presentou a publicación na sede da Fundación Granell. Ao acto asistiron, ademais do autor, a xerente do Consorcio de Santiago, Belén Hernández; o responsable de...

A Real Filharmonía de Galicia celebra esta semana tres concertos nos centros socioculturais de Vite, Santa Marta e Fontiñas. Estas actuacións, que serán gratuítas ata completar o aforo, buscan achegar a RFG e a música clásica a novos públicos. As citas serán mañá mércores no centro de Vite (que este ano celebra o seu 25º aniversario), o xoves en Santa Marta (Sala Agustín Magán) e o venres en Fontiñas; todas elas ás 19:00 horas. Ademais, parte da orquestra tocará o...

A concelleira de Políticas Sociais, Diversidade e Saúde, Concha Fernández, presidiu esta tarde no edificio Cabes de Salgueiriños, a terceira xuntanza do Consello Municipal de Saúde, constituído no pasado mes de xaneiro despois de dez anos sen reunirse.

A concelleira de Igualdade, Desenvolvemento Económico e Turismo, Marta Lois, presentou acompañada do director de E-Monte Solucións Forestais, Víctor Rivas, e da directora da compañía de marketing Esgalla, Natalia Martínez, o proxecto #TeñoMonte que recibiu un dos premios da IV edición do Concurso de Publicidade Comercial en Galego.

A concelleira de Igualdade, Desenvolvemento Económico e Turismo, Marta Lois, presentou acompañada do presidente da Fundación Orange, Manuel Gimeno, e do director da empresa GVAM, Jaime Solano, unha nova aplicación móbil accesible para persoas con discapacidade visual e auditiva.

A concelleira de Políticas Sociais, Diversidade e Saúde, Concha Fernández, vén de asinar seis convenios con entidades sociais da cidade para o desenvolvemento de diversas actividades que teñen como obxectivo a inclusión social. As entidades beneficiarias son Acem, Aspanaes, Cociña Económica, Agadea, Médicos do Mundo e Escola de Tempo Libre don Bosco

O alcalde de Santiago, Martiño Noriega, recibiu o embaixador da República de Chile, Francisco Marambio Vial.

Santiago vai recibir dez millóns de euros de fondos europeos FEDER para poñer en marcha as accións recollidas na súa Estratexia de Desenvolvemento Urbano Sostible Integrado, EDUSI. O Boletín Oficial do Estado publica hoxe a resolución do Ministerio de Facenda e Administracións Públicas, que sinala que Compostela será unha das cidades beneficiadas polo Programa Operativo de Crecemento Sostible 2014-2020, que repartirá en Galicia algo máis de 83 millóns de euros.

Este luns comezou unha nova edición de Curtocircuíto, Festival Internacional de Cine, definida polo seu director Pela del Álamo como a "máis ambiciosa". Unha edición que pretende afondar nunha concepción multidisciplinar da programación, acompañando con música, obradoiros, live cinemas e outras actividades o programa de proxeccións audiovisuais.