Noticias

Cos votos favorables do grupo de Goberno e o negativo do PP, quedou aprobado o texto refundido do Plan Xeral de Ordenación Municipal (PXOM). Queda así listo para a súa remisión á Consellería de Política Territorial, Obras Públicas e Transporte, que o ratificará como documento incorporando a parte aprobada pola orde de 3 de outubro de 2007 e a referendada o 1 de setembro de 2008.

Os técnicos municipais reuniranse en breve cos equipos redactores dos proxectos de reurbanización das vías de acceso á cidade. Segundo anunciou o concelleiro de Infraestruturas, Bernardino Rama, o obxectivo desta xuntanza será indicarlles que, á marxe das peculiaridades de cada unha das travesías, o modelo a seguir será o da rúa Mestre Mateo.

O alcalde compostelán, Xosé A. Sánchez Bugallo, recibiu en Raxoi a Frances Elizabeth Allen, premio Turing 2006 e relatora no programa ConCiencia. A científica asinou no Libro de Ouro da Cidade.

Co título de En torno a lo Jacobeo, José María Díaz Fernández, deán-presidente do Cabildo da Catedral de Santiago, achéganos un volume recompilatorio de distintos textos que posúen unha unidade de conxunto. A meirande parte deles teñen algunha conexión coa figura do Apóstolo Santiago.

A Filharmonía colabora coa editorial Galaxia na preparación da edición de tres contos clásicos rescritos por Neira Cruz e acompañados pola música da orquestra dirixida por Maximino Zumalave.

O festival Cineuropa, organizado pola Concellería de Cultura, ofrecerá na súa edición de 2008 dúas noites temáticas moi especiais. A primeira estará dedicada á actual transición política que se está a vivir nos Estados Unidos baixo o título de "Bye, bye, Míster Bush". Na segunda o protagonista será o cineasta canadiense Guy Maddin.

As cidades de Santiago de Compostela e Tanabe fixeron, na Casa de Galicia en Madrid, unha presentación conxunta dos seus respectivos camiños de peregrinación aos medios de comunicación. Estiveron presentes dúas delegacións de ambas cidades, encabezadas pola concelleira de Turismo de Tanaba, Noriko Tada e o concelleiro de Turismo de Santiago, Xosé Manuel Iglesias. Os integrantes das dúas delegacións ían ataviados con traxes típicos locais.

Entre os acordos da Xunta de Goberno do martes 28 de outubro destacan, entre outros, a aprobación de obras de abastecemento e saneamento nas rúas Carvalho Calero en Vidán, a posta a disposición do Ministerio de Vivenda dos terreos e instalacións para a realización da obra de remodelación da Praza de Abastos, ou o reparto de máis de 260.000 euros entre os clubs federados da cidade.

O xurado do Premio Santiago de Compostela de Cooperación Urbana, decidiu designar o proxecto de rehabilitación do Mercado Municipal da cidade de Gracias, na hondureña rexión de Lempira, como gañador entre un total de 37 proxectos presentados.

O Parque de Bonaval foi declarado "Bonaval-Literario" e así será recoñecido cunha placa, segundo indicou o alcalde compostelán, Xosé A. Sánchez Bugallo, no acto de declaración. O profesor Xesús Alonso Montero foi o encargado de proclamar este recoñecemento.