Noticias

A Audiencia Provincial da Coruña arquivou definitivamente as dilixencias motivadas pola denuncia penal presentada hai catro anos a título individual polos concelleiros do Partido Popular da anterior lexislatura a raíz dos cambios na obra do aparcadoiro da Praza Roxa. A Audiencia confirma así o auto do xuíz instrutor que, o 4 de xullo de 2008, xa decidira arquivar o proceso por non atopar ningunha conduta delitiva.

O alcalde compostelán, Xosé A. Sánchez Bugallo, e outros membros da Corporación realizaron unha visita ás instalacións da empresa FINSA en Formarís. Guiáronos nesta visita varios directivos desta firma madeireira.

A concelleira de Mobilidade e Seguridade Cidadá, Marta Álvarez-Santullano, compareceu acompañada polo xefe dos Bombeiros de Santiago, Jesús Martínez, para dar conta do incendio acontecido no Pedroso, na zona de Pardaces, na madrugada do venres 27. Como resultado deste lume calcináronse entre 5 e 6 hectáreas, das calles unha era de monte arborado.

O ciclo Sons da Diversidade, organizado pola concellaría de Cultura, o domingo 27 ao Auditorio de Galicia, ás 21.00 horas, o último traballo de Keren Ann. Esta artista ten sido comparada polos medios especializados con Françoise Hardy, Nico, Suzanne Vega, Serge Gainsbourg, Rufus Wainwright ou Carla Bruni.

O Concello de Santiago apoia a iniciativa de WWF/Adena A Hora do Planeta, que fará que o sábado 28, durante unha hora, se apaguen as luces dun gran número de edificios emblemáticos no mundo. Esta iniciativa pretende demostrar que a loita contra o cambio climático é posible e é a maior campaña en defensa do medio ambiente da historia. Nela participarán 1.200 millóns de persoas e están implicados gobernos, cidadáns e empresas nunha acción conxunta para chamar a atención sobre os efectos do...

O monologuista Rober Bodegas actuará na IV Gala do Comercio, Compostela capital de compras, que será presentada pola xornalista de Correo Televisión, Inés Dopazo. O evento, organizado pola Concellaría de Promoción Económica, Emprego, Comercio e Turismo, é aberto ao público, e celebrarase o 31 de marzo, ás nove da noite, no Teatro Principal.

A IX Campaña Municipal de Animación á Lectura, organizada pola Concellaría de Educación e editorial Kalandraka, iniciou na Galería Sargadelos o seu programa de actividades. Neste edición, que se prolongará ata o 16 de maio, potenciaranse os álbums destacados no I Premio Internacional Compostela. Participarán 5.200 escolares de 32 centros de Santiago e da bisbarra.

O venres 27 de marzo, ás 21.00, a obra teatral Emma inicia o ciclo Teatro e Danza en Xira no Auditorio de Galicia. Trátase dunha produción do Teatro Arriaga que foi estreada a semana pasada, e que comeza a súa xira por España en Santiago.

O parque de Volta do Castro acolleu a plantación de 330 árbores e arbustos, con motivo do día da Árbore e da Auga, celebrados o 21 e o 22 de marzo, respectivamente. Un grupo de 150 nenos e nenas do Colexio Quiroga Palacios, usuarios da residencia da terceira idade de Volta do Castro e algúns veciños da zona realizaron esta plantación, coa que tomaron conciencia do valor destes dous recursos no día a día.

No mes de maio comezarán as obras de reurbanización do tramo que comprende a avenida de Vilagarcía e as rúas García Prieto e Sánchez Freire. Esta actuación suporá unha substancial mellora da calidade urbana desta vía, entre Romero Donallo e a rotonda de Conxo, que contará con amplas beirarrúas, zonas verdes e mesmo dúas praciñas.