Noticias

Por primeira vez, celebrouse en Raxoi o Debate sobre o Estado do Concello, na que o alcalde falou sobre situación do Concello e as liñas mestras da súa acción de Goberno. Na súa intervención, Sánchez Bugallo, defendeu un modelo de xestión grazas ao cal, na súa opinión, ten deixado unha cidade que "vive hoxe un momento de esplendor e que ten en execución importantes proxectos que nos axudarán a paliar as consecuencias da tormenta económica".

O alcalde compostelán, Xosé A. Sánchez Bugallo, presidiu o acto de inauguración do polígono SUNP-22, ubicado en Castro de Abaixo, na zona da Choupana, no que se investiu a cantidade de 2.847.688,81 euros.

Baixo a presidencia do alcalde, Xosé A. Sánchez Bugallo, celebrouse en Raxoi a sesión constitutiva da Comisión Especial de Queixas e Suxestións. Nace así un órgano encargado de defender os dereitos dos veciños nas súas relacións coa Administración municipal.

O alcalde compostelán, Xosé A. Sánchez Bugallo, e a concelleira de Educación, Guadalupe Rodríguez, entregaron os premios aos gañadores do XIII Concurso Literario Ánxel Casal nas súas modalidades de poesía, conto e teatro. Foi nun acto celebrado no Salón Nobre de Raxoi.

O alcalde compostelán, Xosé A. Sánchez Bugallo, e o director do IES Rosalía de Castro, Ubaldo Rueda, asinaron un novo convenio de colaboración para a promoción e o mantemento do Bacharelato Internacional que se imparte no instituto santiagués desde 1.989. Esta colaboración enmárcase na política do Concello de potenciar todas as iniciativas que permitan mellorar as ofertas educativas, especialmente dirixidas aos composteláns máis novos.

O alcalde compostelán, Xosé A. Sánchez Bugallo, anunciou que a cantidade de 124 millóns de euros prevista polos orzamentos municipais para 2009 podería incrementarse entre 12 e 16 millóns de euros en función da achega que finalmente reciba Santiago do fondo extraordinario de investimento público creado polo Goberno central para os concellos. A capacidade de investimento podería tamén incrementarse se o Estado aumenta o límite legal de endebedamento dos municipios.

O Concello de Santiago de Compostela veu realizando unha serie de actuacións no eido da modernización e implantación da administración electrónica ao longo de 2008. Recibiu a denominación xenérica de Santiago Contigo.

O luns 1 de decembro constituirase oficialmente o Consello Sectorial de Turismo do Concello de Santiago, despois de que o seu regulamento se aprobase polo totalidade do pleno do Concello o 26 de xuño e se seguisen todos os trámites administrativos correspondentes. A Concellaría de Promoción Económica e Turismo pulou pola comisión deste Consello, concibido coma un foro no que todos os axentes vinculados co sector podan dialogar, colaborar e asesorar na política turística municipal.

O Festival Cineuropa introdúcese de cheo nun dos conflitos máis candentes do panorama internacional contemporáneo: o enfrontamento entre Israel e Palestina. O domingo 30 de novembro a partir da medianoite proxectaranse dúas obras que, dende formatos e linguaxes moi diferentes, analizan a situación de Oriente Próximo nas últimas décadas.

A Concellaría de Educación, a Consellería de Educación e o Centro de Educación de Adultos Radio ECCA poñen en marcha un Programa de Educación de Adultos. O seu obxectivo é a preparación para obter o título de Graduado en Secundaria nun ano e estudando na casa. O Concello cederá os espazos necesarios para que este programa se poida implantar en Santiago.