EDUCACIÓN E CIDADANÍA
A Escola Municipal de Música ofreceu un concerto para a veciñanza de Compostela na finca de Vista Alegre
A Finca de Vista Alegre acolleu este mércores un concerto para a veciñanza organizado pola Escola Municipal de Música. Foi unha boa oportunidade para que a cidadanía compostelá se achegara a coñecer o resultado do traballo das diferentes agrupacións da Escola na súa nova ubicación.
POLÍTICAS SOCIAIS
Recepción en Raxoi a un grupo de peregrinas afectadas pola doenza de Huntington
A concelleira de Políticas Sociais, Concha Fernández, recibiu esta tarde catro peregrinas canadenses afectadas pola doenza de Huntington. Xunto a ela estivo Ruth Blanco, presidenta da Asociación Corea de Huntington Española.
ACCIÓN CULTURAL
Amal 2017 ofrecerá a estrea en España de dous documentais e un filme de ficción
A concelleira de Acción Cultural, Branca Novoneyra, participou este mércores na presentación da décimo quinta edición da Semana de Cine Euroárabe, Amal 2017, que se celebrará do 23 ao 27 de outubro no Teatro Principal. No acto participaron tamén o presidente da Fundación Araguaney-Puente de Culturas e director do Festival, Ghaleb Jaber Martínez, e o secretario Xeral de Cultura, Anxo Lorenzo.
PLENO
Aprobada a conta xeral do exercicio 2016
O Pleno vén de dar luz verde á conta xeral do exercicio do 2016, cos votos a favor de Compostela Aberta e a abstención do resto de grupos.
MANTEMENTO E OBRAS
O Concello plantará especies autóctonas na zona de Lamas de Abade na que se tallaron eucaliptos
O concelleiro de Medio Rural, Mantemento e Obras para o Equilibrio Territorial explicou hoxe en rolda de talla de árbores levada a cabo polo seu Departamento en Lamas de Abade, entre as rúas Divina Pastora e Raiola. Rafael Peña incidiu en que a actuación se levou a cabo para atender aos requirimentos presentados polos responsables de dous centros próximos, a gardería Raiola e a sede de Aspanaes, e "atendendo ao risco de incendio que supuñan os piñeiros, eucaliptos e enorme cantidade de maleza acumulada na parcela, de titularidade...
POLÍTICAS SOCIAIS
Nacen os "Almorzos do Bo Facer" como espazo de encontro para as cooperativas compostelás
O II Foro de Economía Social Inspiradora. Emprendemento Cooperativo vén a dar continuidade ás I Xornadas de Economía Social e Colaborativa realizadas con grande éxito de público no ano 2016, creando un espazo distintivo no Cersia Empresa para a reflexión e a formación nas posibilidades da economía social e as novas economías centrada nas persoas como motores de cambio.
DEPORTES
Angrois acolle este sábado a segunda proba do CorreSan 2017
A concelleira de Deporte, Noa Morales, presentou a segunda carreira da VI edición do Circuíto de Carreiras Saudables CorreSan. Trátase da Ruta da Prata-Angrois, que se celebrará o vindeiro sábado 14 de outubro. Tamén participaron na rolda de prensa Iván Sanmartín, delegado en Santiago da Federación Galega de Atletismo, e Martín Rozas, directivo da Asociación de Veciños de Angrois e integrante do Noitebra F.C.
MEDIO AMBIENTE
Tropa Verde recibe o premio "Boa Práctica" en Desenvolvemento Urbano Sustentable
Miguel Varela e Marta Morán, en representación do Concello e da empresa Teimas Desenvolvemento, recolleron en Tallin (Estonia) o premio "Boa Práctica" outorgado á iniciativa Tropa Verde SCQ no marco do festival do programa europeo URBACT. O galardón recoñeceu o esforzo innovador deste proxecto cara a consecución dunha cidade máis sustentable nas súas iniciativas empresariais e medioambientais.
ALCALDÍA
Martiño Noriega participa no Día do Camiño Primitivo nas festas do San Froilán
O alcalde de Santiago participou este mediodía en Lugo na celebración do Día do Camiño Primitivo nas festas do San Froilán. Martiño Noriega aproveitou os actos para reivindicar a importancia desta ruta, que "é o comezo de todo o fenómeno xacobeo".
POLÍTICAS SOCIAIS
Publicadas as listaxes provisionais de bolsas de comedor, actividades extraescolares, material escolar ou conciliación para o curso 2017/2018
A Concellaría de Políticas Sociais, Diversidade, Saúde e Centros Cívicos vén de facer pública a resolución provisional da convocatoria de bolsas de comedor, actividades extraescolares, material escolar ou conciliación para o curso 2017/18. A resolución está composta por dúas listaxes: a das bolsas por escaseza de recursos e a das bolsas por conciliación.