Noticias

Organizada pola Concellería de Educación de Santiago de Compostela e o Institut d’Educació do Concello de Barcelona, a nosa cidade acolle o 5 e o 6 de xuño as VI Xornada do Grupo de Traballo da Rede Temática pertencente á Rede Española de Cidades Educadoras (RECE).

Para reforzar os servizos de información turística durante a temporada alta, Turismo de Santiago reunirá un ano máis a un grupo de voluntarios que, entre o 1 de xullo e o 31 de agosto, serán "informadores móbiles" nas principais rúas e prazas do casco histórico compostelán.

Os IV Encontros Deportivos da Asociación Española de Pediatría "O deporte é saúde", reunirán a 650 escolares de Santiago e da súa área de influencia, no estadio de San Lázaro, o venres 6 de xuño. Con este encontro preténdese promover hábitos de vida saudables.

O espectáculo escénico Humor neghro chega ao Teatro Principal da man do actor Carlos Blanco e do percursionista Manecas Costa. A dobre cita é o venres 6 e o sábado 7 de xuño, ás 21:00 horas.

O 57 Congreso da Asociación Española de Pediatría reúne no Palacio de Congresos a 2.300 pediatras entre o 5 e o 7 de xuño. O alcalde compostelán, Xosé A. Sánchez Bugallo, inaugurou este encontro, no que destacados especialistas tratarán temas como as vacinas infantís ou a obesidade nos máis pequenos, entre outros.

O alcalde compostelán, Xosé A. Sánchez Bugallo inaugurou residencia de maiores "Mirador de Compostela" no Outeiro do Castiñeiriño. No acto estivo acompañado pola concelleira de Benestar Social, Mar Martín.

O Centro Sociocultural do Castiñeiriño acolle o venres 6 a presentación do libro Galiza na Guerra Civil. Campos de concentración de Muros, Padrón, A Pobra e Rianxo, de Xesús Costa Rodil e Xesús Santos, que participan en dita presentación.