Noticias

O libriño non me levou ao país das marabillas é o título dunha obra de teatro coa que se pretende denunciar o tráfico de nenos e nenas. Forma parte da campaña de sensibilización "Stop ao tráfico de nenos", promovida pola ONG Terra de Homes e na que colabora o Concello.

A Xunta de Goberno adxudicou provisionalmente a xestión das escolas infantís de Conxo e Fontiñas. Entre outros acordos, aprobáronse tamén as bases do Programa Persoa VI e a relación de proxectos de competencia municipal que se van acoller ao fondo do plan de investimentos do Estado.

O alcalde, Xosé A. Sánchez Bugallo, reuniuse coa secretaria de Estado de Infraestruturas do Ministerio de Fomento, Josefina Cruz. No encontro fixeron seguimento ao convenio asinado entre o Concello e o Ministerio de Fomento e ratificouse a previsión da inmediata adxudicación das obras do terceiro carril da AP-9.

O concelleiro de Promoción Económica, Emprego, Comercio e Turismo, Xosé Manuel Iglesias, presentou o Catálogo de promoción comercial de Compostela Regalar custa pouco. Trátase dunha publicación deseñada e editada dun xeito funcional e elegante ao mesmo tempo, seguindo criterios de calidade. Contén os 44 produtos seleccionados no concurso.

A Concellería de Promoción Económica, Emprego, Comercio e Turismo editou unha memoria-revista. A publicación, bianual, ten unha tirada de 30.000 exemplares, que na meirande parte se distribuíran en encartes con El Correo Gallego (16 de decembro) e con La Voz de Galicia (17 de decembro).

Na tarde de mañá mércores 17, o alcalde, Xosé A. Sánchez Bugallo, pronunciará unha conferencia baixo o lema "O futuro de Compostela" organizada polo Colexio Oficial de Enxeñeiros Técnicos Industriais de Santiago. O acto terá lugar na sede do colexio (rúa Ramón Piñeiro, nº 5) ás 20:30 horas.