Noticias

O festival Cineuropa alcanza xa a súa vixésimo primeira edición, consolidado xa como un certame de referencia e unha oportunidade única para gozar de filmografías que en moitos casos non chegan aos circuítos comerciais. Nesta ocasión proxectaranse 115 filmes, dos cales 70 son estreas absolutas.

O Goberno municipal adxudicou polo procedemento de urxencia o contrato complementario para a xustificación e adaptación da parte non aprobada do Plan Xeral de Ordenación Municipal (PXOM). A Oficina de Planeamento encargarase deste proceso e o importe do contrato é de 135.024.

A Xunta de Goberno local aprobou definitivamente axudas por importe de 337.597 euros, para rehabilitación de vivendas. Deste importe, a Xunta achega o 43% e o Ministerio o 57% restante.

A Concellería de Deportes determinou os 35 eventos que se beneficiarán das subvencións destinadas ao fomento de actividades deportivas puntuais en 2007. En total concédense axudas por importe de 69.538 euros.

O Goberno local aprobou o prego e iniciou o expediente de contratación da xestión dos expedientes sancionadores por infraccións contra a normativa de tráfico vial urbano. O importe de licitación é de 300.000 euros ao ano e o prazo de duración do contrato será de dous anos.

O alcalde compostelán, Xosé A. Sánchez Bugallo, mantivo unha reunión coa directora xeral de Rexistros e Notarías, Pilar Blanco-Morales, na cal se concretaron os prazos previstos para que comece a funcionar o novo Rexistro Mercantil de Santiago.