Noticias

O grupo de Goberno mantivo esta tarde un novo encontro "Ao vivo", desta vez no Centro Sociocultural de Vite e coa veciñanza da zona Urbana Norte. Ao encontro, no que participaron preto de cen persoas, estaban convocados os veciños e veciñas dos barrios de San Roque, Basquiños, Estila, Pelamios, Almáciga, Vista Alegre, Romaño, Vite, Guadalupe, Salgueiriños, Meixonfrío e Cancelas.

O Grupo de Cidades Patrimonio da Humanidade participa na Feira ITB Asia 2017, que se celebra do 25 ao 27 de outubro na cidade de Singapur. A Feira ITB é un encontro profesional de turismo (B2B), organizado por Messe Berlin, que celebra a súa décima edición consolidado xa coma un dos puntos de encontro máis importante para reunións e negocio no sector do turismo do Sueste Asiático e Pacífico, abranguendo os mercados de ocio, corporativo e turismo de reunións, incentivos, congresos e exposicións.

A concelleira de Economía e Facenda, María Rozas, deu conta hoxe dunha corrección de erros no proceso de Orzamentos Participativos, que afectou á fase final do mesmo.

A concelleira de Políticas Sociais, Concha Fernández, e outros representantes dos catro grupos municipais asistiron á lectura do manifesto co gallo do Día do Dano Cerebral Adquirido. O acto foi convocado pola Asociación de Dano Cerebral de Compostela, Sarela, e introducido polo presidente da entidade, José Balboa.

A concelleira de Políticas Sociais, Concha Fernández, xunto co coordinador da Asociación Galega de Axuda á Adopción (Manaia), Antón Mouriz, presentaron a Xornada do Programa de preparación, apoio e acompañamento ás familias adoptivas. A xornada celebrarase o sábado 28 de outubro, ás 11:30 horas, no Centro Sociocultural de Vite, onde impartirá unha charla o psicólogo José Luis Gonzalo Marrodán.

A Semana de Cinema Euroárabe, Amal 2017 e a Fundación Araguaney-Puente de Culturas celebrará este xoves, ao comezo da sesión das 20:00 horas no Teatro Principal, un acto de entrega simbólica da recadación solidaria do despacho de billetes do festival a dúas familias de refuxiados que viven actualmente no Barco de Valdeorras.

O Centro Sociocultural de Fontiñas acolle ata o próximo 31 de novembro a exposición Nicaragua. O Futuro, organizada grazas á colaboración entre o Concello de Santiago e o Fondo Galego de Cooperación e Solidariedade. A mostra reúne as imaxes do fotógrafo brasileiro asentado en Vigo Felipe Carnotto.

O 100º aniversario da Revolución de Outubro de 1917 convértese nunha das chaves da programación da 31ª edición Cineuropa. O festival, que este ano ocupará as pantallas compostelás do 7 ao 28 de novembro, propón un ciclo temático que, baixo o título Novecento: o século das revolucións, reúne unha ampla escolma de filmes capitais para a unha reflexión crítica do devir internacional do século XX.

O alcalde, Martiño Noriega, inaugurou esta mañá as xornadas de traballo do proxecto europeo Smarter Together que se celebran hoxe e mañá na capital galega. No encontro, que se está a desenvolver no Centro de Interpretación de Parques e Xardíns de Belvís, participan representantes de Lyon, Munich e Viena, as cidades "faro" do programa; e tamén das chamadas "cidades seguidoras": Sofía, Venecia e Santiago. Ademais, ao encontro acudiron como invitados representantes do Concello de Barcelona e...

O Departamento de Lingua do Concello de Santiago presentou aos centros de primaria do municipio as propostas de normalización lingüística para o curso 2017-2018. O concurso de cartas de Nadal, o certame de regueifas, un obradoiro de portugués ou unha nova edición do Conto viaxeiro son algunhas das propostas.