ALCALDÍA
O alcalde destaca as posibilidades de proxección e o prestixio internacional do Premio Compostela de Álbums Ilustrados
O alcalde de Santiago, Agustín Hernández, presidiu no Museo das Peregrinacións e de Santiago o acto de entrega do VII Premio Compostela de Álbums Ilustrados ao ilustrador Federico Delicado, pola obra Ícaro.
CONSORCIO
A RFG estrea "Mar ao norde", do compositor galego Fernando Buide, inspirada no libro de poemas homónimo de Álvaro Cunqueiro
A Real Filharmonía de Galicia celebra esta semana dous concertos. O primeiro, o xoves 6 no Centro Cultural Afundación de Vigo, ás 20:30 horas. Ao día seguinte, o venres 7, a orquestra actuará en Santiago, ás 21:00 horas, no Auditorio de Galicia. Ademais, o luns 10, a RFG ofrecerá un concerto no Auditorio Nacional de Música, en Madrid. Nas tres citas a batuta levaraa o director titular e artístico da RFG, Paul Daniel.
DESENVOLVEMENTO URBANO SOSTIBLE
O Concello acomete un plan de podas que afectará a preto de 10.000 árbores
A concelleira de Desenvolvemento Urbano Sostible, Teresa Gutiérrez, acompañada do responsable de Parques e Xardíns, José Antonio Mosquera, deu conta do plan de podas de inverno. Iniciado a finais de outubro, este programa de traballos prolongarase ata primeiros de abril de 2015 e afectará a unhas 10.000 árbores. Esta programación responde a unha planificación prevista para os vindeiros anos, co obxectivo de lograr un mantemento arbóreo máis sostible tanto no eido ambiental como no económico.
CENTROS SOCIOCULTURAIS
Novas citas para esta semana no programa Compostela Cine Classics 2014
Continúa o programa Compostela Cine Classics 2014, do Departamento de Centros Socioculturais. Esta semana está previsto un classicobradoiro para adultos e unha nova proxección con coloquio.
ALCALDÍA
O alcalde destaca a brillante traxectoria docente e investigadora de Carmen García Mateo, Premio María Josefa Wonemburger
O alcalde de Santiago, Agustín Hernández, asistiu á entrega do VIII Premio María Josefa Wonemburger Planells á investigadora Carmen García Mateo. O acto, celebrado no Centro Galego de Arte Contemporánea (CGAC), estivo presidido polo titular da Xunta, Alberto Núñez Feijóo.
ECONOMÍA
A Concellería de Economía colabora co programa Factoría do Éxito
A Concellería de Economía colabora coa empresa Ccamina nun innovador programa de desenvolvemento persoal e profesional que se desenvolverá este martes, 4 de novembro, na Cidade da Cultura.
CULTURA
O pop de Apenino abre o ciclo de concertos do Ukelele Kit Project na Zona C
Apenino (Marco Maril) ofrece un concerto na Zona C no que presentará as cancións do seu novo disco, Viravolta, que se publicará este mesmo mes de novembro. Trátase do concerto que abre o ciclo do Ukelele Kit Project e será este martes 4 de novembro, ás 20:30 horas. O prezo para este evento é de 5 euros e pode mercarse un abono para os sete concertos do ciclo a 25 euros. As entradas poden mercarse no despacho de billetes do Teatro Principal (aberto de 18:00 a 21:00 horas) ou na da Zona C o día do concerto.
TURISMO
As pernoctacións de turistas do Reino Unido en Santiago de Compostela creceron máis dun 80% entre os anos 2011 e 2013
Turismo de Santiago promocionará a vindeira a semana a cidade na World Travel Market, a feira turística máis importante do mercado británico, que terá lugar en Londres entre o tres e o seis de novembro. Prevese a presencia de mais de 50.000 profesionais do sector. Aproximadamente o 50% deles son británicos, pero tamén hai unha importante presenza de profesionais europeos e asiáticos.
