Noticias

Do 7 ao 28 de novembro, Compostela acolle a trixésimo primeira edición do festival Cineuropa. 264 filmes e 17 seccións nun certame que medra este ano en proxeccións, en número de premiados, en xornadas e espazos de exhibición, e que mantén a aposta pola calidade cinematográfica dos anos anteriores. Será o filme La Villa, do realizador francés, Robert Guédiguian, o escollido para a apertura desta edición nunha sesión inaugural que terá lugar o martes, día 7 de novembro,...

O Museo do Pobo Galego acolleu esta mañá o acto de celebración dos seus 40 anos, evento ao que acudiu o alcalde de Santiago, Martiño Noriega, así como o presidente da Xunta, Alberto Núñez Feijóo; o presidente do Parlamento de Galicia, Miguel Santalices; a vicepresidenta da Deputación da Coruña, Goretti Sanmartín e o director do Museo do Pobo, Xusto Beramendi.

A Xunta de Goberno acordou hoxe interpoñer unha demanda de xuízo ordinario contra Carmen Franco y Polo para reclamar as dúas esculturas do Mestre Mateo que están en mans da familia Franco malia a seren propiedade do Concello de Santiago. O alcalde, Martiño Noriega, deu conta desta decisión, "que se adopta despois de que a herdeira do ditador non respondera ao requirimento que se lle enviou para solicitar a devolución das pezas".

A concelleira de Mocidade e Deportes, Noa Morales, e o presidente da Federación Galega de Squash, Carlos Noya, presentaron a campaña de promoción Coñece o Squash, que se está realizando en varios centros de ensino da cidade. A campaña está dirixida a nenos e nenas de Primaria, de entre 3 e 11 anos, co obxectivo de fomentar a práctica deste deporte.

O alcalde de Santiago participou na clausura do acto de celebración do décimo aniversario da Federación Galega de Dano Cerebral, FEGADACE. Na cerimonia, Martiño Noriega felicitou a entidade pola súa efeméride e estendeu os seus parabéns ao actual presidente, Luciano Fernández, e a José Balboa, "impulsor dos primeiros proxectos que implicaban a visibilización das persoas con dano cerebral e das súas familias". De maneira conxunta, o rexedor tamén felicitou a cada unha das cinco asociacións que...

O Concello de Santiago, en colaboración coa Cooperativa da Praza de Abastos, ofrecerá dende o mes de novembro ata febreiro un plan de formación para os praceiros e praceiras do Mercado, no que se estudarán as posibilidades que se abren para os seus negocios en tres campos distintos: a ilustración como ferramenta de promoción, a eficiencia enerxética e o marketing dixital. As persoas interesadas poden participar gratuitamente en todas as accións formativas ou naquelas do ámbito concreto que máis lles interese.

A Xunta de Goberno iniciou hoxe o procedemento de adxudicación das obras de restauración e mellora do itinerario fluvial "De ponte a ponte polo río Sarela". A actuación ten un tipo de licitación de case 90.000 euros.

A Semana de Cinema Euroárabe, Amal 2017, finaliza con éxito a edición deste ano, celebrada no Teatro Principal, coa colaboración da Consellería de Cultura e o Concello de Santiago.

Turismo de Santiago participou esta semana na ITB Asia, que se celebrou en Singapur do 25 ao 27 de outubro. A ITB Asia é a feira turística máis importante do continente e reúne aos profesionais máis destacados de países como Xapón e Corea do Sur, que son mercados estratéxicos para a cidade. Esta acción de promoción súmase á que se levou a cabo a finais de setembro, cando tamén se participou na Tourism Expo Japan 2017, a mostra de turismo máis importante de Xapón.

O festival Cineuropa distinguirá nesta edición a prolífica traxectoria de Leonardo Sbaraglia, un intérprete que, con máis de 50 longametraxes ás súas costas, se atopa nunha etapa de admirable madurez interpretativa. A cerimonia de entrega do Premio Cineuropa a Leonardo Sbaraglia terá lugar o martes 14 de novembro, ás 20:00 horas, no Teatro Principal.