TURISMO
Aproveitando a celebración da Asemblea, organizase un encontro sobre Turismo de Reunións os días 3 e 4 de xuño, ao que asiste a concelleira de Turismo, Reyes Leis, no que se debaten os principais temas do sector: a sostibilidade, as "smart cities" ou cidades intelixentes e a importancia da colaboración público-privada para desenvolver accións promocionais.
Tamén se desenvolven tres obradoiros: un sobre comunicación e xestión do coñecemento nun destino de Congresos, outro sobre intercambio de boas prácticas nos diferentes Convention Bureau e, por último, sobre innovación deseñando presentacións.
Santiago participa en Santander na asemblea anual do Spain Convention Bureau
03/06/2013 O alcalde de Santiago, Ángel Currás, participa na Asemblea do Spain Convention Bureau, que se celebra o 4 de xuño en Santander, representando ao Santiago de Compostela Convention Bureau (SCCB), servizo de Turismo de Santiago para o fomento da cidade como destino de congresos, xornadas e incentivos.
O Spain Convention Bureau é unha asociación de cidades e provincias sen ánimo de lucro creada en 1984 no seo da Federación Española de Municipios e Provincias e que na actualidade conta con 56 destinos asociados, entre eles Santiago de Compostela. Na Asemblea presentaranse a memoria de actividades e o balance económico de 2012, o Plan de Actuación 2013 e o avance do 2014, e un informe do Estudo Estatístico do Turismo de Reunións do 2012.Aproveitando a celebración da Asemblea, organizase un encontro sobre Turismo de Reunións os días 3 e 4 de xuño, ao que asiste a concelleira de Turismo, Reyes Leis, no que se debaten os principais temas do sector: a sostibilidade, as "smart cities" ou cidades intelixentes e a importancia da colaboración público-privada para desenvolver accións promocionais.
Tamén se desenvolven tres obradoiros: un sobre comunicación e xestión do coñecemento nun destino de Congresos, outro sobre intercambio de boas prácticas nos diferentes Convention Bureau e, por último, sobre innovación deseñando presentacións.