Continúan as tarefas de conservación dos pavimentos históricos da Cidade Histórica de Santiago de Compostela

CONSORCIO

31/05/2013 Entre o luns 3 e o venres 7 de xuño, as brigadas de mantemento dos lousados do casco histórico estarán traballando na rúa da Algalia de Abaixo
Actuarán nun total de 16 puntos, reparando e substituíndo as lousas de granito que así o precisen

A pedra que pisas é o programa de conservación e mantemento dos pavimentos históricos do casco vello de Santiago de Compostela. Financiado polo Consorcio de Santiago, o programa establece un calendario de actuacións e coordina aos equipos de traballo que serán os encargados de reparar e manter os pavimentos de granito das rúas do casco histórico, en concreto as situadas no interior da améndoa, o que supón máis de 63.000 m2 de lousados.
O servizo desenvolve un programa de reparacións elaborado dacordo coa Oficina de Rehabilitación do Casco Histórico. Ademais, o Consorcio de Santiago ten habilitado un buzón de correo electrónico no que os cidadáns poderán informar das incidencias que detecten no pavimento, de maneira que os equipos de traballo inclúan a reparación na súa actividade ordinaria. O enderezo é apedraquepisas@consorciodesantiago.org.