CONSORCIO
A exposición componse dunha selección destas fotografías acompañadas de textos explicativos e elementos audiovisuais.
Estas fotografías foron recollidas nunha publicación que veu a luz recentemente e que xa está dispoñible nas librarías. Este libro ofrece un retrato dunha peza de especial simbolismo integrada no complexo catedralicio compostelán, en pleno corazón da cidade. Achéganos unha visión próxima e con minuciosos detalles sobre aspectos desta torre que pasan desapercibidos nunha ollada dende as prazas da Quintana ou de Praterías: os seus diferentes corpos arquitectónicos, a decoración con torretas, as formas vexetais e os motivos xacobeos que se foron incoporando co paso do tempo.
O contido deste libro é unha recompilación de imaxes deste conxunto pétreo de singular beleza captadas polo obxectivo da cámara de Alberte Peiteavel, e inclúe un interesante apuntamento documental de Ramón Yzquiedo Peiró, responsable de conservación do Museo da Catedral de Santiago de Compostela.
A Berenguela responde ademais a un deseño e presentación especiais, de tal xeito que o libro adopta unha estrutura vertical (14 x 33 centímetros) tal que a forma da maxestuosa silueta desta torre de torres, que foi concebida inicialmente como construcción defensiva da cidade, que acolle a popular campá do mesmo nome, o reloxo con esferas dunha sóa agulla, e que remata na súa parte máis alta coa lanterna que serviu e serve de guía aos peregrinos que se achegan ata o santuario apostólico.
O Museo das Peregrinacións acolle unha mostra sobre a Torre do Reloxo da Catedral
02/05/2013 O alcalde e presidente do Consorcio, Ángel Currás, inaugurou a exposición A Berenguela, que se exhibe xa na nova sede do Museo das Peregrinacións e de Santiago (praza de Praterías). Trátase dunha mostra visual sobre a Torre do Reloxo da Catedral de Santiago, unha das obras cume do barroco e que foi recentemente restaurada.
O Consorcio de Santiago abre esta exposición en colaboración con Teófilo Comunicación. Precisamente, aproveitando a restauración da Torre, o fotógrafo da empresa de comunicación Alberte Peiteavel, realizou unha extensa reportaxe fotográfica que permitiu descubrir detalles arquitectónicos que habitualmente pasan desapercibidos ao ollo do viandante.A exposición componse dunha selección destas fotografías acompañadas de textos explicativos e elementos audiovisuais.
Estas fotografías foron recollidas nunha publicación que veu a luz recentemente e que xa está dispoñible nas librarías. Este libro ofrece un retrato dunha peza de especial simbolismo integrada no complexo catedralicio compostelán, en pleno corazón da cidade. Achéganos unha visión próxima e con minuciosos detalles sobre aspectos desta torre que pasan desapercibidos nunha ollada dende as prazas da Quintana ou de Praterías: os seus diferentes corpos arquitectónicos, a decoración con torretas, as formas vexetais e os motivos xacobeos que se foron incoporando co paso do tempo.
O contido deste libro é unha recompilación de imaxes deste conxunto pétreo de singular beleza captadas polo obxectivo da cámara de Alberte Peiteavel, e inclúe un interesante apuntamento documental de Ramón Yzquiedo Peiró, responsable de conservación do Museo da Catedral de Santiago de Compostela.
A Berenguela responde ademais a un deseño e presentación especiais, de tal xeito que o libro adopta unha estrutura vertical (14 x 33 centímetros) tal que a forma da maxestuosa silueta desta torre de torres, que foi concebida inicialmente como construcción defensiva da cidade, que acolle a popular campá do mesmo nome, o reloxo con esferas dunha sóa agulla, e que remata na súa parte máis alta coa lanterna que serviu e serve de guía aos peregrinos que se achegan ata o santuario apostólico.