TURISMO
O Grupo conta xa con tres comisións técnicas de traballo, creadas en base ao análise dos recursos turísticos cos que se conta: A pesca e o turismo fluvial en xeral, concibidos como un recurso turístico no que a área de Santiago ten capacidade para converterse nun referente; Gastronomía, tanto polos produtos característicos da área como as celebracións gastronómicas que se celebran nos concellos; e Paquetes, concibida para promover ofertas combinadas para os turistas, aproveitando os diferentes recursos da zona e prestando especial atención ás familias.
As comisións, compostas por pequenos grupos de Concellos co obxecto de facer máis operativo o traballo, están mantendo diferentes reunións para poder ir traballando nos diferentes ámbitos e definir as obxectivos concretos e as liñas de actuación a seguir. Posteriormente, iranse creando novas comisións para estudar outras temáticas de interese evidente para a Área de Santiago, como a dos Camiños de Santiago ou o aproveitamento das múltiples rutas de sendeirismo que hai na zona.
Na xuntanza tamén se presentou o funcionamento do programa Goza do Ulla, un percorrido polos roteiros de sendeirismo dos 19 concellos do Ulla, o segundo río de Galicia. Neste programa participan varios municipios da Área de Santiago -A Estrada, Boqueixón, Padrón, Silleda, Teo, Touro, Vedra e Vila de Cruces- e pode servir de modelo de actuación conxunta.
Os concellos da Área de Santiago asinarán un convenio de colaboración para a súa promoción turística conxunta
24/04/2013 Os Concellos da Área de Santiago celebraron a súa cuarta reunión de traballo para continuar afondando nas liñas de actuación conxunta para a posta en valor e promoción dos seus recursos turísticos. O Grupo está composto actualmente por 17 concellos: A Estrada, Ames, Boqueixón, Brión, Melide, O Pino, Oroso, Padrón, Rois, Santiago, Silleda, Teo, Touro, Trazo, Val do Dubra, Vedra e Vila de Cruces. Entre eles suman preto de 250.000 habitantes.
Nesta reunión acordouse un borrador de convenio de colaboración para formalizar a existencia do Grupo e definir as liñas xenéricas de actuación. O obxectivo que se marcou na reunión é que o convenio de colaboración poida ser asinado a finais do mes de maio ou comezos do mes de xuño.O Grupo conta xa con tres comisións técnicas de traballo, creadas en base ao análise dos recursos turísticos cos que se conta: A pesca e o turismo fluvial en xeral, concibidos como un recurso turístico no que a área de Santiago ten capacidade para converterse nun referente; Gastronomía, tanto polos produtos característicos da área como as celebracións gastronómicas que se celebran nos concellos; e Paquetes, concibida para promover ofertas combinadas para os turistas, aproveitando os diferentes recursos da zona e prestando especial atención ás familias.
As comisións, compostas por pequenos grupos de Concellos co obxecto de facer máis operativo o traballo, están mantendo diferentes reunións para poder ir traballando nos diferentes ámbitos e definir as obxectivos concretos e as liñas de actuación a seguir. Posteriormente, iranse creando novas comisións para estudar outras temáticas de interese evidente para a Área de Santiago, como a dos Camiños de Santiago ou o aproveitamento das múltiples rutas de sendeirismo que hai na zona.
Na xuntanza tamén se presentou o funcionamento do programa Goza do Ulla, un percorrido polos roteiros de sendeirismo dos 19 concellos do Ulla, o segundo río de Galicia. Neste programa participan varios municipios da Área de Santiago -A Estrada, Boqueixón, Padrón, Silleda, Teo, Touro, Vedra e Vila de Cruces- e pode servir de modelo de actuación conxunta.