EDUCACIÓN E NORMALIZACIÓN LINGÜÍSTICA
Os escolares de catro colexios da cidade amosan as súas capacidades escénicas no Certame de Teatro Intercentros
12/04/2013 As concelleiras de Xuventude e Normalización Lingüística, Rebeca Domínguez, e de Educación, María Castelao, asistiron á sesión do Certame de Teatro Intercentros, organizado pola Coordinadora Comarcal de Normalización Lingüística e o Concello. Participaron catro centros de primaria da cidade: López Ferreiro, San Jorge, Lamas de Abade e Vite.
Antes do inicio das diferentes representacións, María Castelao destacou o valor deste certame para "fomentar as habilidades artísticas dos rapaces e como forma de xuntanza e convivencia entre centros". Pola súa parte, Rebeca Domínguez, agradeceu tanto á Coordinadora Comarcal de Normalización Lingüística como aos docentes dos centros o esforzo realizado para por en escena unhas obras de "moi bo nivel". Case 200 nenos e nenas asistiron ás representacións no CEIP López Ferreiro.