ALCALDÍA
Un congreso reúne en Santiago a 200 especialistas na xestión dos riscos sanitarios
11/04/2013 O alcalde compostelán, Ángel Currás, deu a benvida aos participantes no XV Congreso AEGRIS (Asociación Española de Gestión de Riesgos Sanitarios), que se celebra no San Francisco Hotel Monumento os días 11, 12 e 13 de abril. 200 persoas asisten a este seminario científico, que leva por título "Novas orientacións na xestión do risco sanitario". Os participantes foron logo recibidos no Concello.
Nese congreso abordaranse temas que preocupan tanto a autoridades sanitarias como a profesionais sanitarios e xurídicos e axentes implicados no proceso de xestión dos riscos sanitarios: innovacións en seguridade do paciente, tecnoloxía aplicada á xestión do risco sanitario en Galicia, enfermería en xestión de risco, risco sostible, aspectos xurídicos da xestión do risco sanitario e mediación en conflitos sanitarios.