CENTROS SOCIOCULTURAIS
Coa finalidade de celebrar e compartir cunha tarde festiva estes logros comunitarios, a Concellaría de Centros Socioculturais organiza o sábado 6 de abril, nas instalacións do Centro Xuvenil Don Bosco, unha tarde con xogos e actividades deportivas á que están convidados todos os participantes, acompañados polos monitores responsables dos centros.
Entre as 17:00 e as 20:00 horas, os participantes poderán gozar de variadas actividades lúdicas: xogos populares, rocódromo, cucaña, tiro con arco (para nenos e para adultos), ping pong, ludotecas... O concelleiro de Centros Socioculturais, Francisco Noya, tamén pasará polo Don Bosco para compartir esta xornada cos participantes, a maioría nenos.
Está confirmada xa a asistencia de máis 300 persoas. Todos aqueles que participaron nestas actividades e que aínda non confirmaron a súa asistencia a esta xornada teñen de prazo para facelo ata a mañá do mesmo sábado nos centros socioculturais onde participaron.
Máis de 300 usuarios dos centros socioculturais compartirán unha tarde lúdica e festiva no Centro Xuvenil Don Bosco
04/04/2013 A Concellería de Centros Socioculturais organiza unha xornada festiva no Centro Xuvenil Don Bosco para todos os usuarios que participaron nas campañas de Nadal e Entroido. Será este sábado, 6 de abril, entre as 17:00 e as 20:00 horas.
Un nutrido grupo de usuarios e usuarias dos centros socioculturais, tanto nenos como adultos, obtiveron recentemente diversos premios. É o caso dos que participaron nas festas de Nadal co Belén Colectivo ou dos integrantes das comparsas Os Superheroes e Seres Mitolóxicos, que concursaron no desfile do martes de Antroido.Coa finalidade de celebrar e compartir cunha tarde festiva estes logros comunitarios, a Concellaría de Centros Socioculturais organiza o sábado 6 de abril, nas instalacións do Centro Xuvenil Don Bosco, unha tarde con xogos e actividades deportivas á que están convidados todos os participantes, acompañados polos monitores responsables dos centros.
Entre as 17:00 e as 20:00 horas, os participantes poderán gozar de variadas actividades lúdicas: xogos populares, rocódromo, cucaña, tiro con arco (para nenos e para adultos), ping pong, ludotecas... O concelleiro de Centros Socioculturais, Francisco Noya, tamén pasará polo Don Bosco para compartir esta xornada cos participantes, a maioría nenos.
Está confirmada xa a asistencia de máis 300 persoas. Todos aqueles que participaron nestas actividades e que aínda non confirmaron a súa asistencia a esta xornada teñen de prazo para facelo ata a mañá do mesmo sábado nos centros socioculturais onde participaron.