TURISMO
Benigno Sánchez destacou a súa "satisfacción por asinar este convenio cun Concello que se distingue pola labor de difusión da cultura". Neste sentido, lembrou a colaboración que xa existe noutro ámbito artístico, como é a difusión dun espazo semanal sobre a Real Filharmonía de Galicia.
Pola súa parte, Sánchez Bugallo lembrou o compromiso do Concello co audiovisual, materializado no festival Cineuropa e, dende hai tres anos, no "Curtocircuíto". "Estamos moi satisfeitos do éxito desta iniciativa e agardamos que a colaboración coa CRTVG e a difusión que esta supón sirva para dar un novo impulso, e así en vindeiras edicións participen aínda máis directores, produtores e guionistas", apuntou.
"Curtocircuíto’06" celebrarase na capital galega do 17 ao 21 de outubro. As actividades do certame prolongaranse todo o verán coas proxeccións nas rúas do casco antigo de Compostela (Curtocircuíto na Rúa) e o I Mercado Internacional de Curtametraxes, que se celebrará na cidade, parello ao festival, así como varios obradoiros, destinados ao público interesado na formación audiovisual.
O Festival Internacional de Curtametraxes de Santiago de Compostela está a situar á cidade no panorama nacional e europeo dos festivais de curtas e tense convertido nunha plataforma de promoción para novos talentos do sector audiovisual.
A Televisión de Galicia promocionará e difundirá o "Curtocircuito"
30/05/2006 O Festival Internacional de Curtametraxes de Santiago de Compostela "Curtocircuíto" terá unha importante difusión e promoción nas pantallas da televisión autonómica. Isto será posible grazas ao acordo de colaboración asinado esta mañá entre o alcalde de Santiago, Xosé A. Sánchez Bugallo, e o director xeral da Compañía de Radio-Televisión de Galicia, Benigno Sánchez.
O convenio concrétase en dúas accións fundamentais. Por un lado, o ente público galego difundirá e promocionará o Festival a través de Onda Curta, o programa que a Televisión de Galicia dedica en exclusiva a esta modalidade cinematográfica. Por outra, comprométese á compra de dereitos de emisión daquelas curtametraxes que resulten gañadoras das distintas seccións oficiais, tales como Compostela Curtocircuíto ou Compostela Plató, por un importe de cen euros minuto.Benigno Sánchez destacou a súa "satisfacción por asinar este convenio cun Concello que se distingue pola labor de difusión da cultura". Neste sentido, lembrou a colaboración que xa existe noutro ámbito artístico, como é a difusión dun espazo semanal sobre a Real Filharmonía de Galicia.
Pola súa parte, Sánchez Bugallo lembrou o compromiso do Concello co audiovisual, materializado no festival Cineuropa e, dende hai tres anos, no "Curtocircuíto". "Estamos moi satisfeitos do éxito desta iniciativa e agardamos que a colaboración coa CRTVG e a difusión que esta supón sirva para dar un novo impulso, e así en vindeiras edicións participen aínda máis directores, produtores e guionistas", apuntou.
"Curtocircuíto’06" celebrarase na capital galega do 17 ao 21 de outubro. As actividades do certame prolongaranse todo o verán coas proxeccións nas rúas do casco antigo de Compostela (Curtocircuíto na Rúa) e o I Mercado Internacional de Curtametraxes, que se celebrará na cidade, parello ao festival, así como varios obradoiros, destinados ao público interesado na formación audiovisual.
O Festival Internacional de Curtametraxes de Santiago de Compostela está a situar á cidade no panorama nacional e europeo dos festivais de curtas e tense convertido nunha plataforma de promoción para novos talentos do sector audiovisual.