CULTURA
Logo do éxito obtido polos tres espectáculos de teatro para bebés de Caramuxo Teatro, repetiranse as funcións e teremos Glub Glub o sábado 26 de xaneiro; Zapatos o sábado 2 de febreiro e Ñam! o sábado 9 de febreiro, todos eles na Zona C de Bonaval. En xaneiro, o sábado 19, os alumnos do Conservatorio Profesional de Música de Santiago presentan xunto á Real Filharmonía de Galicia As danzas eslavas de Dvorak, dirixidos por Diego García. E xa en febreiro, ofrecen Violeta en Compostela dirixidos, nesta ocasión por Lorenzo de los Santos e Itsaso Bermejo. Os dous concertos serán no Auditorio de Galicia.
A Banda Municipal de Música presenta Fantasía animada dentro dos concertos especiais de Entroido os domingos 10 e 17 de febreiro no Teatro Principal. E estará outra vez na programación o domingo 17 de marzo xunto cos Títeres con Sacha presentando O Crebanoces de Chaikovski, tamén no Teatro.
En febreiro teremos o primeiro dos dous espectáculos de maxia: o Mago Richard presenta no Teatro Principal Maxia en estado puro. O segundo terá como protagonista ao Mago Xacobe, tamén no Principal, o domingo 3 de marzo, co espectáculo Feitizos e abraios.
A Real Filharmonía de Galicia, ademais do concerto xunto cos alumnos do Conservatorio Profesional, ofrece outros dous dentro desta programación: o sábado 23 de febreiro, dirixida por Maximino Zumalave, e o sábado 27 de abril, co Concerto para violoncello de Gulda xunto a Thomas Piel, violoncello.
En canto ao teatro temos a Matreska Teatro, o domingo 24 de febreiro no Principal, con O guiso e Frankestein, de Teatro dos Ghazafellos, o domingo 21 de abril. Ademais tamén teremos un musical, El mago de Oz, o sábado 16 de marzo no Teatro Principal.
Os títeres tamén serán protagonistas desta programación. Títeres Babaluva presenta Lume o domingo 10 de marzo no Teatro Principal; e Fantoches Baj ofrecen A fábula galénica o domingo 7 de abril tamén no Principal.
Recollida e venda de entradas
Os concertos da Banda Municipal de Música e o de Violeta en Compostela serán de balde. Para o resto, as entradas terán un custe de 5 euros, podendo adquirirse un abono familiar co cal se poden mercar 4 entradas ao prezo de 3. A maxia terá un prezo de 6 euros (podendo tamén mercarse abono familiar) e o musical El mago de Oz terá un prezo de 16 € (14 € no anfiteatro). Poden mercarse todas na billeteira do Teatro Principal, aberta de martes a sábado máis os días de evento de 18:00 a 21:00 horas. Ademais, as do musical e as da Filharmonía tamén se poden adquirir en Novagaliciabanco.
Dezanove espectáculos para os máis pequenos e as súas familias na primeira entrega de 2013 do ciclo Infantil & Familiar
11/01/2013 O alcalde, Ángel Currás, e o director-xerente do Auditorio de Galicia, José Víctor Carou, presentaron a programación do ciclo Infantil & Familiar para os meses de xaneiro a abril. Trátase dunha variada proposta que inclúe teatro infantil, funcións específicas de teatro para bebés, concertos, música clásica, contos musicais, combinacións de música e cinema e música e títeres, maxia, un musical e espectáculo de títeres.
Ángel Currás enmarcou este calendario de espectáculos no obxectivo de crear "unha programación estable para os máis pequenos e as súas familias". Neste sentido, salientou que 16 dos 19 eventos se celebrarán en sábados e domingos, enchendo un baleiro existente na cidade de programación familiar durante as fins de semana. Tamén se referiu á implicación da Real Filharmonía de Galicia e da Banda Municipal de Música, sumándose a unha proposta cultural que pretende "estimular os máis novos, dende idades temperás, no gusto polos espectáculos culturais".Logo do éxito obtido polos tres espectáculos de teatro para bebés de Caramuxo Teatro, repetiranse as funcións e teremos Glub Glub o sábado 26 de xaneiro; Zapatos o sábado 2 de febreiro e Ñam! o sábado 9 de febreiro, todos eles na Zona C de Bonaval. En xaneiro, o sábado 19, os alumnos do Conservatorio Profesional de Música de Santiago presentan xunto á Real Filharmonía de Galicia As danzas eslavas de Dvorak, dirixidos por Diego García. E xa en febreiro, ofrecen Violeta en Compostela dirixidos, nesta ocasión por Lorenzo de los Santos e Itsaso Bermejo. Os dous concertos serán no Auditorio de Galicia.
A Banda Municipal de Música presenta Fantasía animada dentro dos concertos especiais de Entroido os domingos 10 e 17 de febreiro no Teatro Principal. E estará outra vez na programación o domingo 17 de marzo xunto cos Títeres con Sacha presentando O Crebanoces de Chaikovski, tamén no Teatro.
En febreiro teremos o primeiro dos dous espectáculos de maxia: o Mago Richard presenta no Teatro Principal Maxia en estado puro. O segundo terá como protagonista ao Mago Xacobe, tamén no Principal, o domingo 3 de marzo, co espectáculo Feitizos e abraios.
A Real Filharmonía de Galicia, ademais do concerto xunto cos alumnos do Conservatorio Profesional, ofrece outros dous dentro desta programación: o sábado 23 de febreiro, dirixida por Maximino Zumalave, e o sábado 27 de abril, co Concerto para violoncello de Gulda xunto a Thomas Piel, violoncello.
En canto ao teatro temos a Matreska Teatro, o domingo 24 de febreiro no Principal, con O guiso e Frankestein, de Teatro dos Ghazafellos, o domingo 21 de abril. Ademais tamén teremos un musical, El mago de Oz, o sábado 16 de marzo no Teatro Principal.
Os títeres tamén serán protagonistas desta programación. Títeres Babaluva presenta Lume o domingo 10 de marzo no Teatro Principal; e Fantoches Baj ofrecen A fábula galénica o domingo 7 de abril tamén no Principal.
Recollida e venda de entradas
Os concertos da Banda Municipal de Música e o de Violeta en Compostela serán de balde. Para o resto, as entradas terán un custe de 5 euros, podendo adquirirse un abono familiar co cal se poden mercar 4 entradas ao prezo de 3. A maxia terá un prezo de 6 euros (podendo tamén mercarse abono familiar) e o musical El mago de Oz terá un prezo de 16 € (14 € no anfiteatro). Poden mercarse todas na billeteira do Teatro Principal, aberta de martes a sábado máis os días de evento de 18:00 a 21:00 horas. Ademais, as do musical e as da Filharmonía tamén se poden adquirir en Novagaliciabanco.