CENTROS SOCIOCULTURAIS
Os centros socioculturais das parroquias de Villestro, A Peregrina, Figueiras, Marrozos, Bornais e dos barrios de Vite, Conxo, Fontiñas, Amio, Casa Agraria, San Lourenzo e Pontepedriña quedaron moi ben representados no Belén creativo conducido, na parte do modelado do barro e da cocción das figuras e elementos, polo recoñecido artesán Manuel Barreiro, que dedicou mais de 72 horas en sucesivas visitas aos centros participantes para desenvolver os 24 obradoiros de modelado e para a cocción das máis de 200 figuriñas que se fixeron para este Belén.
Para a o desenvolvemento dos máis de 20 obradoiros de pintura das figuriñas contouse coa implicación e a condución dos distintos equipos do persoal de animación dos centros socioculturais participantes. Da coordinación deste Belén, asi como da súa montaxe no Pazo de Raxoi, encargouse a animadora sociocultural especialista en plástica Amara Lema.
O Belén colectivo dos centros socioculturais poderá visitarse a partir do día 17 de decembro no Pazo de Raxoi. As pezas que, dada a dimensión do traballo, non se expoñen neste Belén colectivo, leváronas os nenos para ambientar os beléns nas súas casas.
As tradicionais figuras e os elementos de decoración deste Belén tentan reproducir tamén a imaxe de elementos significativos da nosa cidade, como a cerca, os arcos ou os obradoiros. Amosa unha imaxe particular, coa mirada e a creatividade sempre fresca da infancia.
O concelleiro de Centros Socioculturais, Francisco Noya informou que haberá un reparto de entradas para a pista de xeo da Alameda e de invitacións ao espectáculo dos Brincabolechas do día 28 de decembro entre os nenos que teñen participado neste proxecto.
Unha escolma de 50 figuriñas do Belén colectivo dos centros socioculturais xa adorna a entrada do Pazo de Raxoi
15/12/2012 Este Nadal 2012, un dos puntos fortes da programación da Concellería de Centros Socioculturais foi a construción do Belén colectivo, feito polos nenos e nenas dos centros socioculturais. O resultado pode xa contemplarse na entrada do Pazo de Raxoi, onde o Nacemento exhibe unha escolma dunhas 50 pezas das máis de 200 realizadas.
Dende o mes de novembro, mais de 130 nenos de 12 centros socioculturais dos barrios e parroquias de Santiago, estiveron participando en obradoiros de modelado de barro e pintura, para facer as figuriñas dun Belén orixinal e compartido, que é moito máis do que parece, precisamente pola implicación e o traballo que todos estes pequenos composteláns, de entre 6 e 12 anos, teñen posto neste pioneiro proxecto.Os centros socioculturais das parroquias de Villestro, A Peregrina, Figueiras, Marrozos, Bornais e dos barrios de Vite, Conxo, Fontiñas, Amio, Casa Agraria, San Lourenzo e Pontepedriña quedaron moi ben representados no Belén creativo conducido, na parte do modelado do barro e da cocción das figuras e elementos, polo recoñecido artesán Manuel Barreiro, que dedicou mais de 72 horas en sucesivas visitas aos centros participantes para desenvolver os 24 obradoiros de modelado e para a cocción das máis de 200 figuriñas que se fixeron para este Belén.
Para a o desenvolvemento dos máis de 20 obradoiros de pintura das figuriñas contouse coa implicación e a condución dos distintos equipos do persoal de animación dos centros socioculturais participantes. Da coordinación deste Belén, asi como da súa montaxe no Pazo de Raxoi, encargouse a animadora sociocultural especialista en plástica Amara Lema.
O Belén colectivo dos centros socioculturais poderá visitarse a partir do día 17 de decembro no Pazo de Raxoi. As pezas que, dada a dimensión do traballo, non se expoñen neste Belén colectivo, leváronas os nenos para ambientar os beléns nas súas casas.
As tradicionais figuras e os elementos de decoración deste Belén tentan reproducir tamén a imaxe de elementos significativos da nosa cidade, como a cerca, os arcos ou os obradoiros. Amosa unha imaxe particular, coa mirada e a creatividade sempre fresca da infancia.
O concelleiro de Centros Socioculturais, Francisco Noya informou que haberá un reparto de entradas para a pista de xeo da Alameda e de invitacións ao espectáculo dos Brincabolechas do día 28 de decembro entre os nenos que teñen participado neste proxecto.