MOBILIDADE
A recollida farase no Departamento de Tráfico sito na Costa do Cristo, 1ª planta, de luns a venres en horario de 9:00 a 13:00 horas. A entrega farase á persoa interesada ou autorizada, e para iso só será necesario a presentación da anterior tarxeta xunto co DNI.
A entrega ao resto dos barrios que dispoñen de distintivo de zona verde farase por orde correlativa en función da zona e anunciarase previamente. En calquera caso, toda a información actualizada pode consultarse na páxina web do Concello: www.santiagodecompostela.gal e na Oficina de Atención ao Cidadán na rúa Salvador Allende.
Os veciños das zonas anteriores poden seguir recollendo as súas correspondentes tarxetas de aparcamento. Neste sentido, o concelleiro de Mobilidade, Albino Vázquez, anunciou que nas dúas primeiras zonas nas que se iniciou o procedemento, Pontepedriña e Vite-Guadalupe, empezarase a realizar o control xa con sancións a partir do 1 de novembro.
A medida que se vaia completando a recollida de tarxetas adoptarase a mesma medida en San Pedro, Almáciga, Ultreia e nas tres zonas nas que aínda non se activou a recollida de tarxetas. Lembrou o edil que, a modo informativo, previamente, en cada zona se realiza un control informativo, deixando nos parabrisas dos coches mal estacionados unha tarxeta de advertencia do incumprimento da Ordenanza.
Novos parquímetros
Albino Vázquez tamén anunciou que na vindeira semana está previsto que se complete a instalación dos novos parquímetros da zona vella, co que poderán entrar en funcionamento. Logo irase completando progresivamente a renovación do resto de parquímetros da cidade.
Serán precisamente os da Cidade Histórica os que inicialmente levarán a limitación dunha hora coa prohibición de seguir estacionando en toda a zona máis alá desa hora. En zonas como o Ensanche, os novos parquímetros permitirán elaborar nuns dous ou tres meses un estudo preciso sobre o tempo de uso do estacionamento ou do emprego dos residentes da zona azul. A partir das conclusións extraídas tomarase a decisión de establecer ou non limitacións semellantes noutras zonas.
Cómpre lembrar que os novos parquímetros inclúen novidades como a necesidade de introducir o número da matrícula ou a posibilidade de pagar con tarxeta. Posteriormente iranse incluíndo novas modalidades de pago.
Inicio do prazo de recollida de tarxetas de aparcamento para os veciños de Ultreia
18/10/2012 O Departamento de Tráfico informa que dende este luns, 22 de outubro, os veciños da zona 5 "Ultreia" que dispoñan da tarxeta de aparcadoiro de residente de zona verde deberán pasar a recoller a nova tarxeta que substitúe á anterior.
Poderán recoller a nova tarxeta todas aquelas persoas que sigan cumprindo os requisitos esixidos na Ordenanza, é dicir, estar empadroados persoa e coche no mesmo domicilio para o cal obtiveron a súa primeira tarxeta. Aínda que non é necesario achegar unha nova documentación, dende o Concello fíxose unha revisión de todas as tarxetas entregadas e anuláronse aquelas que a día de hoxe non cumprían algún dos dous requisitos mencionados anteriormente.A recollida farase no Departamento de Tráfico sito na Costa do Cristo, 1ª planta, de luns a venres en horario de 9:00 a 13:00 horas. A entrega farase á persoa interesada ou autorizada, e para iso só será necesario a presentación da anterior tarxeta xunto co DNI.
A entrega ao resto dos barrios que dispoñen de distintivo de zona verde farase por orde correlativa en función da zona e anunciarase previamente. En calquera caso, toda a información actualizada pode consultarse na páxina web do Concello: www.santiagodecompostela.gal e na Oficina de Atención ao Cidadán na rúa Salvador Allende.
Os veciños das zonas anteriores poden seguir recollendo as súas correspondentes tarxetas de aparcamento. Neste sentido, o concelleiro de Mobilidade, Albino Vázquez, anunciou que nas dúas primeiras zonas nas que se iniciou o procedemento, Pontepedriña e Vite-Guadalupe, empezarase a realizar o control xa con sancións a partir do 1 de novembro.
A medida que se vaia completando a recollida de tarxetas adoptarase a mesma medida en San Pedro, Almáciga, Ultreia e nas tres zonas nas que aínda non se activou a recollida de tarxetas. Lembrou o edil que, a modo informativo, previamente, en cada zona se realiza un control informativo, deixando nos parabrisas dos coches mal estacionados unha tarxeta de advertencia do incumprimento da Ordenanza.
Novos parquímetros
Albino Vázquez tamén anunciou que na vindeira semana está previsto que se complete a instalación dos novos parquímetros da zona vella, co que poderán entrar en funcionamento. Logo irase completando progresivamente a renovación do resto de parquímetros da cidade.
Serán precisamente os da Cidade Histórica os que inicialmente levarán a limitación dunha hora coa prohibición de seguir estacionando en toda a zona máis alá desa hora. En zonas como o Ensanche, os novos parquímetros permitirán elaborar nuns dous ou tres meses un estudo preciso sobre o tempo de uso do estacionamento ou do emprego dos residentes da zona azul. A partir das conclusións extraídas tomarase a decisión de establecer ou non limitacións semellantes noutras zonas.
Cómpre lembrar que os novos parquímetros inclúen novidades como a necesidade de introducir o número da matrícula ou a posibilidade de pagar con tarxeta. Posteriormente iranse incluíndo novas modalidades de pago.