CENTROS SOCIOCULTURAIS
"Cultura Viva. Fai túa Compostela" comprende diversos roteiros pola paisaxe cultural Compostelá, rural e urbana, tendo en conta de forma especial aos participantes e colaboradores do programa, que é a propia veciñanza de Santiago. A primeira fase, do 15 de setembro ao 1 de decembro, inclúe 22 roteiros guiados. O programa continuará entre o 12 de xaneiro e o 6 de xullo, con novas propostas nas que se terán en conta as demandas veciñais. Ademais, nesta segunda etapa daráselle protagonismo ás parroquias rurais.
Os itinerarios levaranse a cabo os mércores e sábados con seguinte calendario:
- Mañás, mércores e sábados, de 11:00 a 13:30 horas. Estes celebraranse os días 15, 19, 22 e 29 de setembro; 3, 6, 13, 17 20, 27 e 31 de outubro; 3, 10, 14, 17, 24 e 28 de novembro; e 1 de decembro.
- Tardes, mércores alternos (cada quince días), de 18:00 a 20:30 horas. Estes realizaranse os días 26 de setembro; 10 e 24 de outubro; e 7 e 21 de novembro.
Cada roteiro estará conducido por persoal especializado. Ademais, contarase coa colaboración de formadores ocasionais, como serán os propios artesáns, artistas, creadores, veciños dos lugares visitados, que se prestarán solidariamente a compartir a experiencia e facer realidade cada roteiro.
Nesta primeira fase o programa achegaranos a diversas temáticas vinculadas ao traballo dos artesáns en Compostela, os espazos de creación e os artistas, rutas literarias, a arquitectura modernista na Cidade, o Castelo da Rocha, a muralla da cidade, o urbanismo fosilizado da cidade, o barrio de San Pedro, os balcóns de Compostela, as casas da cidade, as obras de enxeñería na cidade...
Inscrición e prezos
As inscricións realizaranse en calquera dos centros socioculturais da cidade ata cubrir as prazas, tendo prioridade os empadroados no Concello de Santiago. O prezo de cada roteiro para cada veciño e veciña de Compostela será de 1,50 euros, se ben se pode adquirir un bono por cinco roteiros ao prezo de 5 euros. Os desempregados e menores de 18 anos poderán participar de balde. Para as persoas non empadroadas, cada roteiro custará 15 euros.
Cada roteiro contempla un máximo de 20 prazas. En total, nesta primeira fase participarán 440 persoas.
Comezan as rutas guiadas do programa "Cultura Viva. Fai a túa Compostela"
14/09/2012 Mañá sábado comezan as rutas guiadas do programa educativo "Cultura Viva. Fai a túa Compostela", promovido pola Concellaría de Centros Socioculturais e Participación Cidadá. O grupo de persoas participantes nesta primeira saída, co título "Os gremios de Compostela na actualidade", sairá ás 11:00 horas dende o Centro Sociocultural de Conxo, visitando un obradoiro artesán, percorrendo a pé un antigo camiño histórico preto do río Sar, e rematando coa visita a outro artesán.
As próximas rutas previstas, para o mércores 19 pola mañá, e o sábado 22 de setembro, teñen como destino os balcóns de Compostela e a muralla da cidade, respectivamente. Os interesados poden inscribirse nos centros socioculturais e participar así dunha experiencia educativa para coñecer o pasado e o presente artístico e cultural de Santiago, dende a tradición á modernidade. As rutas teñen unha duración de dúas horas e media aproximadamente."Cultura Viva. Fai túa Compostela" comprende diversos roteiros pola paisaxe cultural Compostelá, rural e urbana, tendo en conta de forma especial aos participantes e colaboradores do programa, que é a propia veciñanza de Santiago. A primeira fase, do 15 de setembro ao 1 de decembro, inclúe 22 roteiros guiados. O programa continuará entre o 12 de xaneiro e o 6 de xullo, con novas propostas nas que se terán en conta as demandas veciñais. Ademais, nesta segunda etapa daráselle protagonismo ás parroquias rurais.
Os itinerarios levaranse a cabo os mércores e sábados con seguinte calendario:
- Mañás, mércores e sábados, de 11:00 a 13:30 horas. Estes celebraranse os días 15, 19, 22 e 29 de setembro; 3, 6, 13, 17 20, 27 e 31 de outubro; 3, 10, 14, 17, 24 e 28 de novembro; e 1 de decembro.
- Tardes, mércores alternos (cada quince días), de 18:00 a 20:30 horas. Estes realizaranse os días 26 de setembro; 10 e 24 de outubro; e 7 e 21 de novembro.
Cada roteiro estará conducido por persoal especializado. Ademais, contarase coa colaboración de formadores ocasionais, como serán os propios artesáns, artistas, creadores, veciños dos lugares visitados, que se prestarán solidariamente a compartir a experiencia e facer realidade cada roteiro.
Nesta primeira fase o programa achegaranos a diversas temáticas vinculadas ao traballo dos artesáns en Compostela, os espazos de creación e os artistas, rutas literarias, a arquitectura modernista na Cidade, o Castelo da Rocha, a muralla da cidade, o urbanismo fosilizado da cidade, o barrio de San Pedro, os balcóns de Compostela, as casas da cidade, as obras de enxeñería na cidade...
Inscrición e prezos
As inscricións realizaranse en calquera dos centros socioculturais da cidade ata cubrir as prazas, tendo prioridade os empadroados no Concello de Santiago. O prezo de cada roteiro para cada veciño e veciña de Compostela será de 1,50 euros, se ben se pode adquirir un bono por cinco roteiros ao prezo de 5 euros. Os desempregados e menores de 18 anos poderán participar de balde. Para as persoas non empadroadas, cada roteiro custará 15 euros.
Cada roteiro contempla un máximo de 20 prazas. En total, nesta primeira fase participarán 440 persoas.