CULTURA
O primeiro dos concertos será xa o domingo 15 de setembro, na Sala Capitol, con Ana Curra. A cantante de Parálise Permanente fai no Compostela Rock a única presentación en Galicia do seu último traballo, El Acto. O sábado 22 chega a primeira edición do underground triCiclo, dentro do cal poderemos escoitar a Lisabö, Cave e Unicornibot, anunciados por diversos cartaces do deseñador gráfico Andrés Magán. Xa en outubro, o venres 19 chegará ao ciclo Fanfarlo, a revelación do mellor indie británico, que presentarán o seu novo disco Rooms filled with light. O xoves 25 farán o seu debut en Galicia uns grandes do metal nórdico, Arch Enemy, teloneados por Voivod e Titans Eve.
No mes de novembro, abrimos o Compostela Rock cun show especial, a xira 30º aniversario de W.A.S.P., históricos do heavy metal. O martes 14 chegará o soul/funk dos galegos Cats & Monkeys e o domingo 18 presentará o seu novo disco o músico de culto indie Micah P. Hinson xunto a The Juniors Arts Collective. O xoves 22 celebrarase o único concerto en Galicia de presentación do novo disco de Supersubmarina e o venres 23 Kiko Veneno proponnos Échate un cantecito, 20 anos despois. Pechamos novembro o mércores 28 cos galegos The Winning Numbers. Dos concertos de novembro, os de Cats & Monkeys, Micah P. Hinson, Kiko Veneno e The Winning Numbers fanse en colaboración con Cineuropa e estarán relacionados coa programación, algo que segundo anunciou o xerente explicarase polo miúdo un pouco máis adiante, cando se presente o festival.
En decembro, chegará o xoves 13 a Revuelta Enemiga, o retorno máis agardado, o de Los Enemigos; e o xoves 20 teremos a presentación do novo disco duns clásicos do rock nacional: Los Deltonos.
Para todos os concertos poderán mercarse as entradas na billeteira do Teatro Principal, aberta de martes a sábado de 18:00 a 21:00 horas, ademais de no lugar do concerto, na Sala Capitol ou na Zona "C". Tamén se venderán entradas por outras canles xa específicas para cada concerto.
Doce novos concertos na segunda parte da temporada do Compostela Rock
13/09/2012 O director-xerente do Auditorio de Galicia, José Víctor Carou presentou o programa do Compostela Rock para esta segunda parte do ano. Na primeira, de xaneiro a xullo, foron preto de 5.000 as persoas que asistiron aos 14 concertos celebrados, o cal consolida o ciclo como un dos máis seguidos polos composteláns.
Neste último cuadrimestre serán 14 concertos os que se celebrarán na Sala Capitol e na Zona "C", aínda que Carou xa adiantou que é moi probable que se engadan novos nomes nos vindeiros días. Confirmados xa están: Ana Curra, triCiclo (con Lisabö, Cave e Unicornibot), Fanfarlo, Arch Enemy, W.A.S.P., Cats & Monkeys, Micah P. Hinson, Supersubmarina, Kiko Veneno, The Winning Numbers, Los Enemigos e Los Deltonos.O primeiro dos concertos será xa o domingo 15 de setembro, na Sala Capitol, con Ana Curra. A cantante de Parálise Permanente fai no Compostela Rock a única presentación en Galicia do seu último traballo, El Acto. O sábado 22 chega a primeira edición do underground triCiclo, dentro do cal poderemos escoitar a Lisabö, Cave e Unicornibot, anunciados por diversos cartaces do deseñador gráfico Andrés Magán. Xa en outubro, o venres 19 chegará ao ciclo Fanfarlo, a revelación do mellor indie británico, que presentarán o seu novo disco Rooms filled with light. O xoves 25 farán o seu debut en Galicia uns grandes do metal nórdico, Arch Enemy, teloneados por Voivod e Titans Eve.
No mes de novembro, abrimos o Compostela Rock cun show especial, a xira 30º aniversario de W.A.S.P., históricos do heavy metal. O martes 14 chegará o soul/funk dos galegos Cats & Monkeys e o domingo 18 presentará o seu novo disco o músico de culto indie Micah P. Hinson xunto a The Juniors Arts Collective. O xoves 22 celebrarase o único concerto en Galicia de presentación do novo disco de Supersubmarina e o venres 23 Kiko Veneno proponnos Échate un cantecito, 20 anos despois. Pechamos novembro o mércores 28 cos galegos The Winning Numbers. Dos concertos de novembro, os de Cats & Monkeys, Micah P. Hinson, Kiko Veneno e The Winning Numbers fanse en colaboración con Cineuropa e estarán relacionados coa programación, algo que segundo anunciou o xerente explicarase polo miúdo un pouco máis adiante, cando se presente o festival.
En decembro, chegará o xoves 13 a Revuelta Enemiga, o retorno máis agardado, o de Los Enemigos; e o xoves 20 teremos a presentación do novo disco duns clásicos do rock nacional: Los Deltonos.
Para todos os concertos poderán mercarse as entradas na billeteira do Teatro Principal, aberta de martes a sábado de 18:00 a 21:00 horas, ademais de no lugar do concerto, na Sala Capitol ou na Zona "C". Tamén se venderán entradas por outras canles xa específicas para cada concerto.