BENESTAR SOCIAL
As clases de apoio escolar foron impartidas por unha mestra co apoio do Equipo de Dinamización Social Urbana Santiago Norte-SS.SS durante todo o mes de xullo, en horario matinal de 10:00 a 13:30 horas no Centro Sociocultural da Trisca. Nas sesións proporcionáronse ferramentas de aprendizaxe e de apoio escolar nas diferentes materias.
Paralelamente a este traballo de apoio académico, traballáronse cos participantes aspectos tan importantes coma o respecto pola diversidade, técnicas de estudo, traballo en equipo, a responsabilidade e a organización persoal.
Esta iniciativa está incluída na medida denominada Programas de dinamización social, igualdade de oportunidades, formación e educación de colectivos en risco de exclusión, no marco do Proxecto Urbana Santiago Norte, cofinanciado polo Fondo Europeo de Desenvolvemento Rexional (FEDER).
Trinta menores participaron nas clases de apoio do programa Alternativa Activa
02/08/2012 O Equipo de Dinamización Social Urbana Santiago Norte-Servizos Sociais, en colaboración coa Unidade Municipal de Atención a Drogodependentes (UMAD) levou a cabo durante o mes de xullo o programa Alternativa Activa, de apoio escolar no verán. Esta acción permitiu axudar as familias do municipio na educación dos seus fillos e fillas, reforzando os contidos traballados durante o curso escolar 2011-2012.
O proxecto presentouse coma unha medida de atención á diversidade, co obxectivo principal de responder ao baixo rendemento dos escolares e atender as súas necesidades educativas e sociais, preparándoos, durante o verán, para o vindeiro curso. A iniciativa, totalmente gratuíta, dirixiuse ao alumnado de Primaria, ESO e Bacharelato, e foi aproveitada por uns 30 menores de entre 11 e 17 anos.As clases de apoio escolar foron impartidas por unha mestra co apoio do Equipo de Dinamización Social Urbana Santiago Norte-SS.SS durante todo o mes de xullo, en horario matinal de 10:00 a 13:30 horas no Centro Sociocultural da Trisca. Nas sesións proporcionáronse ferramentas de aprendizaxe e de apoio escolar nas diferentes materias.
Paralelamente a este traballo de apoio académico, traballáronse cos participantes aspectos tan importantes coma o respecto pola diversidade, técnicas de estudo, traballo en equipo, a responsabilidade e a organización persoal.
Esta iniciativa está incluída na medida denominada Programas de dinamización social, igualdade de oportunidades, formación e educación de colectivos en risco de exclusión, no marco do Proxecto Urbana Santiago Norte, cofinanciado polo Fondo Europeo de Desenvolvemento Rexional (FEDER).