MEDIO AMBIENTE
Indicadores do Refuxio de Bando
Aproveitando a difusión desta campaña, a Concellería de Medio Ambiente fixo públicos os principais datos do Refuxio de Animais de Bando do que vai de ano. Así, ata o mes de maio, ingresaron nas instalacións 314 animais, dos que 250 eran cans e 62 gatos.
Analizando a comparativa dos ingresos de cans producidos dende 2005 obsérvanse ingresos anuais de entre 500 e 600 animais de 2005 e 2007, pasando aos 900 nos anos 2010 e 2011.
En canto ás saídas, neste 2012 producíronse 296, das que 168 foron adopcións, outras 19 acollidas e 58 animais foron recollidos polos seus donos. O número de adopcións foise incrementando nos últimos anos, pasando das 400 en 2005, 2006 e 2007 ás 500 en 2008, 2009 e 2010, alcanzando o máximo en 2011, con 530 adopcións.
As eutanasias véñense reducindo nos últimos anos. De feito, de manterse a tendencia este ano, daríanse os valores máis baixos dende que se puxera a funcionar o Refuxio. O número de animais falecidos nas instalacións nos dou últimos anos tamén se reduciu en torno a un 30%. E neste ano a porcentaxe de diminución alcanza case o 60%, o que indica que, malia o incremento do número de animais, ten mellorado o grao de atención e coidado dos mesmos.
As acollidas de animais pasaron de valores de entre 60 e 75 nos anos 2006, 2007 e 2008 a 91 no 2009. Nos dous últimos anos superáronse as 100 acollidas, cun máximo de 157 en 2010.
En canto aos animais recollidos polos seus donos, os valores oscilan entre os 60 a 90 de 2005 a 2007 aos 110 no 2008 e 2009. Os exemplares recollidos en 2010 e 2011 foron 190 e 170, respectivamente.
Servizo de lacería
O servizo de lacería realizou 195 servizos no que vai de ano, efectuando 113 capturas de cans e identificando mediante os seus correspondentes microchips 30 cans. Analizando tamén os datos de 2011 obsérvase que se prestan entre 30 e 54 servizos ao mes, con case 300 capturas en 2011, das que un 25% tiñan microchip de identificación.
En canto aos gatos, o servizo de lacería realizou 35 servizos en 2012, capturando 27 exemplares. Os valores no caso destes animais son máis variables cada mes.
Campaña municipal de inspección de animais potencialmente perigosos
15/06/2012 A Concellería de Medio Ambiente está a levar a cabo durante este ano 2012 unha campaña específica de inspección de animais potencialmente perigosos, co obxecto de identificar aqueles que non teñen a obrigatoria licenza municipal e a inscrición no Rexistro municipal creado ao respecto. Ata o momento xa se teñen localizado uns 100 e iniciado o correspondente procedemento para que os seus donos cumpran coa súa obriga legal.
Entre outros requisitos, para obter esta licenza é necesario dispor dun seguro de responsabilidade civil polos danos do animal que cubra unha responsabilidade de ata 125.000 euros, un certificado de penais e un informe positivo da Consellería de Medio Ambiente relativo a non ter incumprido a Lei de protección animal. Para realizar a inscrición obrigatoria do can no Rexistro municipal de animais potencialmente perigosos é preciso un informe veterinario que certifique, entre outras cousas, que o animal non se emprega en actividades ilegais, coma pelexas . Este certificado veterinario e a documentación que indique a vixencia e condicións do seguro debe presentarse anualmente.Indicadores do Refuxio de Bando
Aproveitando a difusión desta campaña, a Concellería de Medio Ambiente fixo públicos os principais datos do Refuxio de Animais de Bando do que vai de ano. Así, ata o mes de maio, ingresaron nas instalacións 314 animais, dos que 250 eran cans e 62 gatos.
Analizando a comparativa dos ingresos de cans producidos dende 2005 obsérvanse ingresos anuais de entre 500 e 600 animais de 2005 e 2007, pasando aos 900 nos anos 2010 e 2011.
En canto ás saídas, neste 2012 producíronse 296, das que 168 foron adopcións, outras 19 acollidas e 58 animais foron recollidos polos seus donos. O número de adopcións foise incrementando nos últimos anos, pasando das 400 en 2005, 2006 e 2007 ás 500 en 2008, 2009 e 2010, alcanzando o máximo en 2011, con 530 adopcións.
As eutanasias véñense reducindo nos últimos anos. De feito, de manterse a tendencia este ano, daríanse os valores máis baixos dende que se puxera a funcionar o Refuxio. O número de animais falecidos nas instalacións nos dou últimos anos tamén se reduciu en torno a un 30%. E neste ano a porcentaxe de diminución alcanza case o 60%, o que indica que, malia o incremento do número de animais, ten mellorado o grao de atención e coidado dos mesmos.
As acollidas de animais pasaron de valores de entre 60 e 75 nos anos 2006, 2007 e 2008 a 91 no 2009. Nos dous últimos anos superáronse as 100 acollidas, cun máximo de 157 en 2010.
En canto aos animais recollidos polos seus donos, os valores oscilan entre os 60 a 90 de 2005 a 2007 aos 110 no 2008 e 2009. Os exemplares recollidos en 2010 e 2011 foron 190 e 170, respectivamente.
Servizo de lacería
O servizo de lacería realizou 195 servizos no que vai de ano, efectuando 113 capturas de cans e identificando mediante os seus correspondentes microchips 30 cans. Analizando tamén os datos de 2011 obsérvase que se prestan entre 30 e 54 servizos ao mes, con case 300 capturas en 2011, das que un 25% tiñan microchip de identificación.
En canto aos gatos, o servizo de lacería realizou 35 servizos en 2012, capturando 27 exemplares. Os valores no caso destes animais son máis variables cada mes.