ALCALDÍA
Xuntanza do Padroado da Cidade da Cultura
05/06/2012 O alcalde compostelán, Ángel Currás, asistíu á reunión do Padroado da Fundación da Cidade da Cultura na súa sede de San Roque.
A xuntanza serviu para falar, entre outros asuntos, da inminente apertura de Gallaecia Petrea, a que será a primeira exposición do Museo de Galicia da Cidade da Cultura. A través desta exposición, o visitante percorrerá a historia da construción da cultura galega a partir dun elemento tan emblemático como é a pedra. A mostra, que ocupará os 6.600 metros cadrados do Museo e que estará aberta ata decembro, organízase en seis áreas: Xeoloxía, Prehistoria, Roma, Medieval, Moderna e Contemporánea As pezas, algunhas de ata dez toneladas de peso, proceden de diferentes partes de Galicia.