CULTURA
O alcalde compostelán, Xerado Conde Roa, agradeceu a presencia de Jorge Drexler en Santiago e salientou o éxito do concerto do Premio Cineuropa 2011, avalado pola "avalancha de xente" que houbo para retirar as entradas, de carácter gratuíto, o que obrigou ao Concello de Santiago a trasladar a gala ao Auditorio de Galicia e poder ampliar en case 600 o número de localidades sobre o recinto inicialmente previsto, o Teatro Principal. Conde Roa tamén se referiu ao concerto que Drexler ía ofrecer con posterioridade á gala ao sinalar que "a diferencia do que ocorreu nunha célebre ocasión aquí non só te deixaremos cantar senón que queremos que cantes", en alusión á gala dos Óscar.
Ángel Currás, concelleiro de Cultura de Santiago, valorou que Drexler, "ademais dun gran compositor, e un gran difusor da lingua castelá", ao ser o primeiro músico que recibiu un Óscar por unha canción en español. Unha versatilidade á que tamén apelou o director de Cineuropa, José Luis Losa, que considerou que Drexler é merecedor do Premio Cineuropa 2011 pola súa "amplitude creativa e a súa capacidade para marcar coa música a súa pegada nas películas nas que participa ". José Luis Losa tamén adiantou que Drexler vén de debutar como actor e protagonista principal na película de Daniel Burman All in, rodada en Arxentina xunto a Norma Aleandro e Valeria Bertuccelli, na que encarna a un xogador de póker.
Con Drexler é a segunda vez que Cineuropa distingue o traballo dun músico, xa que con anterioridade (no 2006) recaeu en Stephen Warbeck, por Shakespeare in love, banda sonora pola que tamén obtivo un Óscar.
Jorge Drexler, "moi contento" de recibir o premio Cineuropa na súa XXV edición
15/11/2011 O Festival de Cine compostelán entregou o segundo dos premios Cineuropa, na súa vixésimoquinta edición, a Jorge Drexler, nunha gala-concerto que se celebrou no Auditorio de Galicia. Este recoñecemento ao músico e compositor uruguaio súmase ao Óscar que posúe polo seu tema "Al otro lado del río" para a película Diarios de motocicleta (1997) e o Goya á mellor canción por Lope (2010). Á cerimonia asistiron o alcalde de Santiago, Xerardo Conde Roa, e o concelleiro de Cultura, Ángel Currás, entre outros membros da Corporación, así como o director de Cineuropa, José Luis Losa.
Jorge Drexler presentou durante o seu concerto en Santiago de Compostela o seu novo espectáculo audiovisual Mundo Abisa, que complementou con cancións compostas por el para o cinema para festexar a entrega do Premio Cineuropa. O cantautor uruguaio, que antes mantivo un encontro cos medios de comunicación, declarou que estaba de xira en Perú cando se enterou da nova do Premio Cineuropa e se puxo "moi contento". Drexler, agradeceu o premio e insistiu que lle parecía "unha honra esaxeradísima, acompañada do plus de vir a Santiago e o feito de que as localidades se esgotasen tan rápido, o que me fai estar aínda máis contento".O alcalde compostelán, Xerado Conde Roa, agradeceu a presencia de Jorge Drexler en Santiago e salientou o éxito do concerto do Premio Cineuropa 2011, avalado pola "avalancha de xente" que houbo para retirar as entradas, de carácter gratuíto, o que obrigou ao Concello de Santiago a trasladar a gala ao Auditorio de Galicia e poder ampliar en case 600 o número de localidades sobre o recinto inicialmente previsto, o Teatro Principal. Conde Roa tamén se referiu ao concerto que Drexler ía ofrecer con posterioridade á gala ao sinalar que "a diferencia do que ocorreu nunha célebre ocasión aquí non só te deixaremos cantar senón que queremos que cantes", en alusión á gala dos Óscar.
Ángel Currás, concelleiro de Cultura de Santiago, valorou que Drexler, "ademais dun gran compositor, e un gran difusor da lingua castelá", ao ser o primeiro músico que recibiu un Óscar por unha canción en español. Unha versatilidade á que tamén apelou o director de Cineuropa, José Luis Losa, que considerou que Drexler é merecedor do Premio Cineuropa 2011 pola súa "amplitude creativa e a súa capacidade para marcar coa música a súa pegada nas películas nas que participa ". José Luis Losa tamén adiantou que Drexler vén de debutar como actor e protagonista principal na película de Daniel Burman All in, rodada en Arxentina xunto a Norma Aleandro e Valeria Bertuccelli, na que encarna a un xogador de póker.
Con Drexler é a segunda vez que Cineuropa distingue o traballo dun músico, xa que con anterioridade (no 2006) recaeu en Stephen Warbeck, por Shakespeare in love, banda sonora pola que tamén obtivo un Óscar.