EMIGRACIÓN E INMIGRACIÓN
Para hoxe, xoves 2 de marzo, a concelleira ten previsto visitar o Fogar Elías Romero de Temperley e o Fogar Galego de Anciáns en Domselaar. Tamén visitará a veciños composteláns nos seus domicilios en Temperley.
O venres 3 será o turno do Colexio Santiago Apóstol, onde estudan fillos de emigrantes galegos. Teresa Regúlez fará entrega do borrador do convenio que a Mancomunidade de Santiago, presidida polo alcalde compostelán Sánchez Bugallo, ten previsto asinar nos vindeiros meses. A través deste convenio, a Mancomunidade doará 4.000 euros de axuda ao transporte escolar e 2.000 para amoblar unha aula de secundaria.
Teresa Regúlez visita a colectividade compostelá en Arxentina
02/03/2006 A concelleira de Emigración e Inmigración do concello de Santiago de Compostela, Teresa Regúlez, mantivo o mércores 1 de marzo un encontro coa fundación arxentina "Españoles en el Mundo", en Buenos Aires. No encontro falouse da sinatura dun convenio que se materializará durante a visita que o alcalde compostelán, Xosé A. Sánchez Bugallo, ten previsto realizar nos vindeiros meses de abril ou maio.
A través deste convenio poñeríase en marcha a realización dun censo socioeconómico dos composteláns inscritos no CERA (Censo Electoral de Residentes Ausentes) residentes na Arxentina, e que, segundo explicou a concelleira, se tería que facer en dúas etapas: en Bos Aires primeiro e no interior do país despois, debido ao gran número de emigrantes e á escaseza do orzamento que se puido destinar a este proxecto polo momento.Para hoxe, xoves 2 de marzo, a concelleira ten previsto visitar o Fogar Elías Romero de Temperley e o Fogar Galego de Anciáns en Domselaar. Tamén visitará a veciños composteláns nos seus domicilios en Temperley.
O venres 3 será o turno do Colexio Santiago Apóstol, onde estudan fillos de emigrantes galegos. Teresa Regúlez fará entrega do borrador do convenio que a Mancomunidade de Santiago, presidida polo alcalde compostelán Sánchez Bugallo, ten previsto asinar nos vindeiros meses. A través deste convenio, a Mancomunidade doará 4.000 euros de axuda ao transporte escolar e 2.000 para amoblar unha aula de secundaria.