ALCALDÍA
O alcalde recibiu un grupo de escolares de intercambio do Colexio Manuel Peleteiro
27/09/2011 O alcalde compostelán, Xerardo Conde Roa, recibiu un grupo de alumnos de intercambio do Colexio Manuel Peleteiro, acompañado polo concelleiro de Educación, Ángel Currás. Son 15 escolares alemáns que pasaron uns días en Compostela e están a piques de regresar ao seu país. Logo serán os alumnos do Peleteiro os que viaxen a terras xermanas.
Conde Roa falou en alemán cos escolares xermanos e expresoulles o desexo de que tiveran unha feliz estancia en Santiago e levaran un bo recordo da cidade e do Colexio Peleteiro, no que el tamén estudou. Animounos a exercer de embaixadores de Compostela en Alemaña e a seguir aprendendo español.