ALCALDÍA
Decrétase o peche do vertedoiro de Aríns
09/09/2011 O alcalde compostelán, Xerardo Conde Roa, vén de ordenar, a través dun decreto, o peche do vertedoiro de Aríns. Imponse á empresa que o viña xestionando o "cese inmediato da actividade, coa retirada dos seus equipos e maquinaria antes do 30 de setembro de 2011".
Segundo se explica no decreto, o peche deste vertedoiro, que se empregaba para depositar residuos de construción e demolición e residuos especiais, obedece ao "grave risco para o medio ambiente" que supón o mesmo. Así se desprende dos informes dos técnicos de Medio Ambiente.