ALCALDÍA
A Xunta de Galicia estima que o Plan propiciará o incremento dun 52% no uso do transporte público, o que suporía a retirada de 2.000 vehículos diarios das rúas de Santiago e do seu entorno. De feito, prevese que na capital galega se pase dos 8,3 millóns de viaxes previstos para 2015 a 14,4 millóns.
O Plan de Transporte Metropolitano suporá a retirada de 2.000 vehículos diarios das rúas de Santiago e do seu entorno
03/12/2010 O alcalde compostelán, Xosé A. Sánchez Bugallo, asistiu ao acto de sinatura do convenio marco para o novo Plan de Transporte Metropolitano da área de Santiago de Compostela. O acto estivo presidido polo presidente da Xunta, Alberto Núñez Feijoo.
O Plan nace co obxectivo de beneficiar a unha área metropolitana de máis de 178.000 persoas, formada polos concellos de Santiago, Ames, Boqueixón, Brión, Oroso, O Pino, Teo, Touro, Trazo, Val do Dubra e Vedra. Permitirá implantar progresivamente 16 novas rutas: catro de interese municipal e 12 de metropolitano.A Xunta de Galicia estima que o Plan propiciará o incremento dun 52% no uso do transporte público, o que suporía a retirada de 2.000 vehículos diarios das rúas de Santiago e do seu entorno. De feito, prevese que na capital galega se pase dos 8,3 millóns de viaxes previstos para 2015 a 14,4 millóns.