ALCALDÍA
Agradecemento ao labor dos traballadores municipais e das empresas concesionarias na visita de Bieito XVI a Santiago
12/11/2010 Pasados xa uns días dende a visita a Santiago do Papa Bieito XVI, o alcalde compostelán, Xosé A. Sánchez Bugallo, quixo agradecer aos empregados municipais e aos das empresas concesionarias o seu traballo con motivo deste acontecemento.
Na súa intervención ante unha representación, Sánchez Bugallo destacou que preto de 1.500 persoas, empregados municipais ou das empresas concesionarias, traballaron no dispositivo con motivo da visita de Bieito XVI. A todos agradeceu a súa "vontade e traballo desenvolvido con ilusión e profesionalidade". E iso, dixo, notouse "na imaxe que transmitiu a cidade". "Todo saíu marabillosamente ben e sen vós non tería sido posible", engadiu.